پرینکا گاندھی واڈرا نے اتوار کو جاری ایک بیان میں کہا کہ منی منجری رائے ایک ایماندار افسر تھیں۔ وہ اپنے محکمے کے کام کرنے کے طریقے اور نظام پر سوال اٹھاتی تھیں لیکن ہم نے انہیں کھودیا ہے۔
انہوں نے کہا 'بلیا میں تعینات پی سی ایس افسر منی منجری رائے کے ساتھ اچانک ہوئے اس واقعہ سے ان کے گھروالے پریشان ہیں۔ ان کا کہنا ہے کہ اس کی منصفانہ جانچ ہونی چاہیے'۔
محترمہ واڈرا نے کہا 'میں نے اترپردیش کے وزیراعلی جی کو خط لکھ کر اس میں ایک منصفانہ جانچ کرکے سبھی حقائق کو سامنے لانے کی درخواست کی ہے۔ امید ہے کہ منی منجری جی کے گھروالوں کو انصاف ملے گا'۔
