ایس ایچ او اودے ترپاٹھی نے بتایا کہ تھانہ مانکپور علاقے کے فقیرہ باد سرائے سید خاں گاؤں میں گزشتہ 3 ستمبر 2019 کو نسرین بانو کی مشتبہ حالات میں موت ہوگئی تھی ۔
سسرال والوں نے سانپ کے ڈسنے سے ہوئی موت بتا کر لاش کو دفن کر دیا تھا ۔ادھر مائکے والوں نے جہیز سے متعلق قتل کا الزام عائد کر کے عدالت میں استغاثہ دائر کیا ۔جہاں عدالت نے کیس درج کرنے کا حکم دیا ۔
پولیس 12 فروری 2020 کو جہیز قتل کا کیس درج کرکے تحقیقات شروع کر دی ۔وہیں ضلع مجسٹریٹ نے مائکے والوں کی درخواست پر 8 مارچ کو لاش قبر سے نکلوا کر پوسٹ مارٹم کا حکم دیا ۔
ہفتہ کو ایس ڈی ایم کنڈہ راجن چودھری مع پولیس فورس کی موجودگی میں لاش کو قبر سے نکالوا کر پوسٹ مارٹم کے لیے ضلع ہسپتال بھیجی گئی ۔
