کھونٹی: بالی ووڈ اداکارہ سارہ علی خان جمعہ کی شام اچانک جھارکھنڈ کے کھونٹی میں ایک لوکل ڈھابے پر پہنچ گئیں۔ وہاں وہ تقریباً آدھے گھنٹے تک یہاں رکیں۔ وہ رانچی ایئرپورٹ سے بذریعہ سڑک راورکیلا جا رہی تھیں۔ اس دوران وہ رانچی کے کھونٹی میں مین روڈ پر واقع ایک لوکل ڈھابے پر آدھے گھنٹے کے لیے رکیں اور دوپہر کا کھانا کھانے کے بعد سمڈیگا کے راستے سیدھا راورکیلا کے لیے روانہ ہوگئیں۔ اس موقعے پر ان کے ساتھ ایک منیجر اور ایک محافظ موجود تھا۔ سارہ علی خان اور ان کے منیجر اور باڈی گارڈ ہوٹل پہنچے تو کسی کو اندازہ نہیں ہوا کہ بالی ووڈ اداکارہ ڈھابے پر بیٹھی ہے۔ لوگوں نے سمجھا کہ کوئی افسر باڈی گارڈ کے ساتھ آیا ہے۔
سارہ علی خان نے ڈھابے کے ایک ویٹر سے کھانا گرم کرنے کو کہا۔ گھر کی بنی مکئی کی روٹی اور سرسوں کا ساگ گرم کرنے کے فروٹ سلاد، پانی اور کافی آرڈر کیا، ساتھ ساتھ باڈی گارڈ اور منیجر کے لیے سلاد اور پاپڑ کا آرڈر دیا۔ اس وقت کسی کو اس بات کی جانکاری نہیں تھی لیکن تبھی اچانک ہوٹل میں موجود لوگوں کو معلوم ہو گیا کہ یہ کوئی عام آدمی نہیں بلکہ سیف علی خان کی بیٹی سارہ علی خان ہیں۔
سارہ دیکھ کر بھیڑ لگ گئی
جب لوگوں کو معلوم ہوا کہ بالی ووڈ کی ایک اداکارہ ڈھابے پر کھانا کھانے کے لیے رکی ہیں تو لوگوں کا جوش بڑھ گیا۔ سارہ علی خان نے ہوٹل میں موجود لوگوں کے ساتھ سیلفی لی اور کھونٹی کے لوگوں کا شکریہ ادا کیا۔
ڈھابے کے مالک ومل جیسوال نے بتایا کہ سارہ علی خان تقریباً آدھے گھنٹے تک ان کے ہوٹل میں ٹھہری رہیں اور اپنے ساتھ لائے ہوئے کھانے کو گرم کرکے کھایا۔ ہوٹل سے کسی کھانے کا آرڈر نہیں کیا۔ ہوٹل کے مالک کو جب اس کا علم ہوا تو وہ خود کو روک نہ سکے اور ان سے بات کی۔ اس کا کہنا تھا کہ وہ خود لوگوں سے بچ نہیں رہی تھیں، بلکہ ابتدا میں کوئی انہیں پہچان نہیں سکا۔
جب لوگوں نے انہیں پہچان لیا تو سبھی ان سے ملنے کے لیے جمع ہوگئے لیکن سارہ نے کسی کو مایوس نہیں کیا اور سب کے ساتھ سیلفیاں لی اور راورکیلا کے لیے روانہ ہوگئیں۔ ہوٹل آپریٹر نے بتایا کہ سارہ علی خان نے بتایا کہ ان کی فلم کا سیٹ سمڈیگا سے آگے کہیں لگایا گیا ہے جہاں انہیں ہفتہ کو شوٹنگ کرنی ہے۔ انہوں نے کہا کہ شوٹنگ سے واپس آتے ہوئے وہ دوبارہ اس ہوٹل میں آئیں گی اور یہاں کا کھانا ضرور کھائیں گی۔
