کھانا بناتے وقت خاتون ہلاک

اترپردیش کے ضلع جونپور کے مڑیاہوں کوتوالی علاقے میں ہیٹر پر کھانا بناتے وقت کرنٹ لگنے سے خاتون کی موت ہوگئی۔

پولیس ذرائع نے منگل کو بتایا کہ مڑیاہوں کوتوالی ڈیرار پور گاؤں کی رہنے والی کملیش کی بیوی شانتی دیوی(40) کل رات ہیٹر پر کھانا بنا رہی تھیں۔

اس دوران دال ابل کر ہیٹر پر گرنے لگی تو شانتی نے جیسے ہی بھگونے کو اٹھایا وہ کرنٹ کی زد میں آگئی جس سے انکی موت ہوگئی۔

انہوں نے بتایا کہ واقعہ کی اطلاع ملنے کے بعد موقع پر پہنچی پولیس نے لاش کو اپنے قبضے میں لے کر پوسٹ مارٹم کے لئے بھیج دیا ہے۔