سابق وزیر اعظم منموہن سنگھ کی آخری رسومات سرکاری اعزاز کے ساتھ ادا کی گئیں

کانگریس لیڈر راہل گاندھی ڈاکٹر منموہن سنگھ کے اہل خانہ کے ساتھ جسد خاکی کو لے جا رہے فوجی ٹرک پر موجود رہے۔

نئی دہلی: آنجہانی سابق وزیر اعظم منموہن سنگھ کی آخری رسومات دہلی کے نگم بودھ گھاٹ پر سرکاری اعزاز کے ساتھ ادا کی گئیں۔ اس موقعے پر عوام کی آنکھیں نم ہو گئیں۔ منموہن سنگھ کی آخری رسومات میں صدر جمہوریہ دروپدی مرمو، وزیر اعظم نریندر مودی، وزیر داخلہ امت شاہ اور وزیر دفاع راج ناتھ سنگھ، کانگریس کے سابق صدور سونیا گاندھی، راہل گاندھی، کانگریس صدر ملیکارجن کھرگے سمیت متعدد شخصیات نے شرکت کی۔

Former Prime Minister Manmohan Singh laid to rest

Read @ANI Story | https://t.co/J9iYXXP6gv#LastRites #ManmohanSingh #Cremation pic.twitter.com/PwlhKVbTWL

— ANI Digital (@ani_digital) December 28, 2024

سابق وزیر اعظم ڈاکٹر منموہن سنگھ کی آخری رسومات سے قبل ان کا آخری سفر کانگریس کے صدر دفتر سے شروع ہوا اور نگم بودھ گھاٹ پر ختم ہوا۔ آخری سفر میں لوک سبھا میں اپوزیشن لیڈر راہل گاندھی بھی شامل تھے۔ کانگریس لیڈر راہل گاندھی ڈاکٹر منموہن سنگھ کے اہل خانہ کے ساتھ جسد خاکی کو لے جا رہے فوجی ٹرک پر موجود رہے۔

#WATCH | Former Prime Minister #DrManmohanSingh laid to rest with full state honours after leaders and family paid last respects at Nigam Bodh Ghat in Delhi.

Former PM Dr Manmohan Singh died on 26th December at AIIMS Delhi.

(Source: DD News) pic.twitter.com/MvAJsZefrt

— ANI (@ANI) December 28, 2024

اس سے قبل سابق وزیر اعظم منموہن سنگھ کے جسد خاکی کو تقریباً ایک گھنٹے تک کانگریس ہیڈکوارٹر میں آخری دیدار کے لیے رکھا گیا۔ یہاں کانگریس کارکنوں کے ساتھ عام لوگوں نے بھی ان کا آخری دیدار کیا۔ اس دوران وزیر اعظم نریندر مودی سمیت متعدد شخصیات نے انہیں خراج عقیدت پیش کیا۔ قابل ذکر ہے کہ منموہن سنگھ کا انتقال جمعرات (26 دسمبر) کی رات دہلی کے ایمس اسپتال میں ہوا۔ طبیعت بگڑنے کے بعد انہیں داخل کرایا گیا تھا۔

#WATCH | Last rites of former Prime Minister #DrManmohanSingh performed with full state honours at Nigam Bodh Ghat in Delhi.

(Source: DD News) pic.twitter.com/P69QVWMSyd

— ANI (@ANI) December 28, 2024

سونیا گاندھی نے آخری خراج عقیدت پیش کی:

سی پی پی صدر سونیا گاندھی نے اے آئی سی سی ہیڈکوارٹر میں سابق وزیر اعظم ڈاکٹر منموہن سنگھ کو خراج عقیدت پیش کیا۔ اس کے بعد شروع ہوئے آخری سفر میں عوام اور کانگریس کارکنان نے بڑی تعداد میں شرکت کی۔

#WATCH | Former PM Dr Manmohan Singh's wife Gursharan Kaur and his daughter Daman Singh, CPP Chairperson Sonia Gandhi, party president Mallikarjun Kharge, Lok Sabha LoP and Congress MP Rahul Gandhi, party MP Priyanka Gandhi Vadra at Nigam Bodh Ghat in Delhi.

The last rites of… pic.twitter.com/fDGkEoO8qq

— ANI (@ANI) December 28, 2024

کھرگے نے آخری خراج عقیدت پیش کیا:

کانگریس صدر ملکارجن کھرگے نے کانگریس ہیڈکوارٹر میں سابق وزیر اعظم ڈاکٹر منموہن سنگھ کو آخری خراج عقیدت پیش کیا۔ پارٹی کارکنوں کے آخری دیدار کے لیے جسد خاکی کو وہیں رکھا گیا۔

راہل اور پرینکا گاندھی نے آخری خراج عقیدت پیش کیا:

لوک سبھا لیڈر اور کانگریس ایم پی راہل گاندھی اور کانگریس ایم پی پرینکا گاندھی واڈرا نے اے آئی سی سی ہیڈکوارٹر میں سابق وزیر اعظم ڈاکٹر منموہن سنگھ کو آخری خراج عقیدت پیش کیا۔

وزیراعلی ریونت ریڈی نے آخری خراج عقیدت پیش کیا:

تلنگانہ کے سی ایم ریونت ریڈی نے اے آئی سی سی ہیڈکوارٹر میں سابق وزیر اعظم ڈاکٹر منموہن سنگھ کو آخری خراج عقیدت پیش کیا۔

بائیڈن نے دکھ کا اظہار کیا:

امریکی صدر جو بائیڈن نے سابق وزیراعظم ڈاکٹر منموہن سنگھ کے انتقال پر دکھ کا اظہار کیا۔ وائٹ ہاؤس کی طرف سے جاری کردہ ایک بیان میں کہا گیا ہے کہ 'جل اور میں سابق بھارتی وزیر اعظم منموہن سنگھ کے انتقال پر سوگ میں بھارتی عوام کے ساتھ ہیں۔ ان مشکل وقتوں میں، ہم اس وژن کے لیے دوبارہ عزم کر رہے ہیں جس کے لیے وزیر اعظم منموہن سنگھ نے اپنی زندگی وقف کی تھی۔ جل اور میں ان کے فیملی اور بھارت کے تمام لوگوں کے تئیں اپنی گہری تعزیت کا اظہار کرتے ہیں۔

اسمارک کے لیے جگہ کی الاٹمنٹ پر سیاست کی جا رہی ہے: سدھو

سابق وزیر اعظم ڈاکٹر منموہن سنگھ کی اسمارک کے لیے جگہ مختص کرنے کے معاملے پر کانگریس لیڈر نوجوت سنگھ سدھو نے کہا کہ 'جب کوئی شخص مرتا ہے تو اس کے ساتھ تمام دشمنیاں ختم ہو جاتی ہیں۔ لیکن یہاں سیاست ہو رہی ہے۔ میں ایک چھوٹا سا سوال پوچھتا ہوں کہ اگر اٹل جی کی آخری رسومات ہوتی ہیں اور کوئی کہتا ہے کہ اسمارک راج گھاٹ پر نہیں بنے گی بلکہ کہیں اور بنے گی تو آپ کو کیسا لگے گا؟ یہ مسئلہ کسی پارٹی کا نہیں ملک کی تاریخ کا ہے۔

سابق وزیر اعظم منموہن سنگھ کی جسد خاکی کو نگم بودھ گھاٹ لایا گیا:

سابق وزیر اعظم ڈاکٹر منموہن سنگھ کی جسد خاکی کو آخری رسومات کے لیے نگم بودھ گھاٹ لایا گیا۔ آخری رسومات سرکاری اعزاز کے ساتھ ادا کی جائیں گی۔ ان کے آخری دیدار کے لیے ایک بہت بڑا ہجوم جمع ہے۔

پی ایم مودی، راجناتھ سنگھ سمیت تمام بڑے لیڈر راج گھاٹ پہنچے:

پی ایم مودی، راجناتھ سنگھ، امیت شاہ سمیت کئی بڑے لیڈر سابق وزیر اعظم منموہن سنگھ کو الوداع کرنے راج گھاٹ پہنچے ہیں۔