پولیس نے بتایا کہ متاثرہ خاتون ایک شخص سے اس کے گھر پر ملنے گئی تھی جس کے بعد مقامی لوگوں نے اس شخص کے گھر کو گھیر لیا۔
پولیس نے بتایا کہ اس ہجوم میں خاتون کے والد بھی شامل تھے جس کی وجہ سے متاثرہ نے خوف اور گھبراہٹ میں آکر خود کو پھانسی لگا دی۔
سرکل آفیسر اودھ سنگھ نے کہا کہ گھر کے باہر جمع ہونے والے افراد نے اس شخص کو دروازہ کھولنے پر مجبور کیا اور انہوں نے دعویٰ کیا کہ خاتون لٹکی ہوئی ملی تھی۔
سنگھ نے کہا کہ مقامی لوگوں نے اس شخص کی بری طرح پٹائی کی تھی۔
انہوں نے بتایا کہ پولیس کی ایک ٹیم موقع پر پہنچی اور وہ زخمی شخص کو اسپتال لے جانے میں کامیاب ہوگئی۔
پولیس کے بیان کے مطابق متاثرہ خاتون اور اس شخص کے درمیان آپسی تعلقات تھے اور وہ پڑوسی بھی تھے۔
پولیس افسر نے کہا کہ ایسا لگتا ہے کہ متاثرہ نے خودکشی کی ہے جب اسے گاؤں والوں نے گھیر لیا تھا۔
پولیس نے بتایا کہ یہ شخص گھر میں اکیلا تھا کیونکہ اس کے والدین مزدور ہیں اور دہلی میں رہتے ہیں۔
