دو دن پہلے تک اترپردیش کے دارالحکومت لکھنئو میں لکھنو پالیمانی سیٹ پر جہاں مقابلہ یکطرفہ تھا اب پونم سنہا اور کانگریس کے آچاریہ پرمود کرشنم کی امیدواری سے مقابلہ دلچسپ ہو گیا ہے۔
اتر پردیش کانگریس ترجمان ذیشان حیدر نے صحافیوں سے بات کرتے ہوئے کہا کہ لکھنؤ سیٹ سے کانگریس پوری قوت سے مقابلہ کرے گی۔
متعلقہ ویڈیو
انہوں نے مزید کہا کہ ملک میں نریندر مودی اور امت شاہ نے نفرت کی سیاست کی ہے اب وقت آگیا ہے کہ ملک سے ایسی سیاست کا خاتمہ ہو۔ ذیشان حیدر نے کہا کہ لکھنؤ سے پرمود کرشنم کل پرچہ نامزدگی داخل کریں گے۔
کانگریس کے ترجمان نے کہا کہ آچاریہ پرمود کرشنم یہاں سے پارلیمانی رکن بنیں گے۔ پرمود کرشنم آج شام 4 بجے سےپانچ بجے کے بیچ لکھنؤ آئیں گے، اس کے بعد کل پرچہ نامزدگی کے لیے کانگریس کارکن کے ساتھ میٹنگ کریں گے۔
