اترپردیش کے ضلع سہارنپور تھانہ کے جنک پوری علاقے کے رہائشی نشانت کمبوج نے اپنی پہلی بیوی کو دھوکہ دے کر دوسری شادی کے لیے بارات لے کر رادھا وہار پہنچا تھا، تبھی شوہر کی دوسری شادی کی اطلاع ملنے کے بعد جائے وقوع پر پہنچی پہلی بیوی راکھی نے ہنگامہ marriage dispute in saharanpur کھڑا کر دیا۔ اور تھانے پہنچ کر اپنے شوہر کے خلاف شکایت درج کرائی۔
معاملہ درج ہونے کے بعد پولیس لڑکی کو لے کر شادی کے مقام پر پہنچی اور دولہا کو اپنے ساتھ تھانے لے گئی، جس کے بعد پہلی اور دوسری بیوی کے رشتہ دار اور دولہے کے اطراف کے لوگ بھی تھانے پہنچ گئے۔ اور ہائی وولٹیج ڈرامہ گھنٹوں تک چلتا رہا۔
اس سلسلے میں دلہا کی پہلی بیوی راکھی نے پولیس کو بتایا کہ 'اس کا 10 سال سے ڈنڈولی کھیڑا گاؤں کے نشانت کمبوج کے ساتھ عشق چل رہا تھا۔ اس نے دو سال قبل اس سے کورٹ میرج کی تھی۔ جس کی اطلاع راکھی کے گھر والوں کو تھی، لیکن لڑکے والے اس بات سے واقف نہیں تھے۔
مزید پڑھیں:
سہارنپور کے ایس پی سٹی راجیش کمار کا کہنا ہے کہ دھوکہ دہی کے معاملے میں ایک خاتون کی درخواست موصول ہوئی ہے، فی الحال دونوں فریقین کے درمیان بات چیت جاری ہے، اگر معاہدہ نہیں ہوا تو معاملے میں مزید کاروائی کی جائے گی۔
