ریاست اترپردیش کے ضلع میرٹھ میں آج اسٹیٹ کمیشن برائے خواتین کی چیئرپرسن ویملا باتھم نے سرکٹ ہاؤس پہنچ کر میڈیا سے خطاب کیا، چیئر پرسن نے میرٹھ میں اپنے دورہ کا مقصد بیان کرتے ہوئے کہا کہ وہ کورونا کے دوران ضلع کے اسپتالوں اور سی ایچ سی سینٹرز کا جائزہ لینے کے لئے آئی ہیں۔
ضلع میں اسٹیٹ کمیشن برائے خواتین کی چیئر پرسن ویملا باتھم نے شہر کے پچھڑے علاقوں میں تعمیر کردہ سی ایچ سی سینٹرز اور ضلع مہیلا اسپتال کے حالات کا جائزہ لیا۔ کورونا کے دوران اسپتالوں میں مریضوں کو بہتر علاج ملنے سے وہ خوش نظر آئیں وہیں کوڈ 19 کے باعث اسپتال میں مریضوں کی کمی کو بھی محسوس کیا۔
وہیں ضلع مہیلا اسپتال میں خواتین کے لیے الگ سے ویکسینیشن کے لیے پنک بوتھ بنانے کی بات کہی، تین طلاق کے موضوع پر بات کرتے ہوئے انہوں نے کہا کہ جب سے یہ قانون بنا ہے تب سے تین طلاق کے معاملوں میں کمی دیکھی جا رہی ہے اور اس کے باوجود بھی اگر کوئی ایسی حماقت کرتا ہے تو اس کے لئے سخت قانون سے بچنا مشکل ہے۔
