سرکاری ذرائع نے بتایا کہ اس سے قبل مسٹر راجپكشے نئی دہلی سے ایئر انڈیا کے خصوصی طیارے سے اپنے شیڈول کے مطابق صبح تقریباً 10 بجے بابر پور کے لال بہادر شاستری ہوائی اڈے پہنچے، جہاں ان کا گرم جوشی کے ساتھ استقبال کیا گیا۔
انہوں نے بتایا کہ مسٹر راجپكشے کاشی وشوناتھ مندر اور بھگوان بدھ کے پہلے پیغام کا مقام سارناتھ کے مول گندھ کٹی وہار میں بودھ مندر میں پوجا و درشن اور بودھ راہبوں سے آشیرواد حاصل کریں گے۔
وہ سارناتھ میں دھمیكھ استوپ سمیت دیگر آثار قدیمہ دیکھنے بھی جائیں گے۔
مزید پڑھیں: طوفان متاثرین کو راموجی گروپ کی جانب سے 121 گھروں کا تحفہ
وزیر اعظم راجپكشے کے دورہ کے پیش نظر یہاں سیکورٹی کے چاق چوبند انتظامات کئے گئے ہیں۔
واضح رہے کہ مسٹر راجپكشے بھارت کے چار روزہ دورہ پر آئے ہوئے ہیں۔ قدیم مذہبی شہر وارانسی میں پوجا ارچنا کے بعد پیر کو وہ درشن و پوجا کے لئے بدھ کے 'مقام عرفان' بودھ گیا ہوتے ہوئے تروپتی جائیں گے۔ اگلے دن منگل کو بھگوان وینکٹیشور میں صبح کے درشن کے بعد وہ اپنے وطن کیلئے روانہ جائیں گے۔
