وارانسی میں واقع کاشی لابھ مکتی مندر ایک ایسا مندر ہے جہاں پر لوگ اس خواہش کے ساتھ آتے ہیں کہ انہیں اس مندر میں ہی موت آئے تا کہ ان کی روح کو مکتی مل جائے۔
عقیدت کی وجہ دنیا بھر سے ہندو مذہب کے پیروکار وارانسی (بنارس) کا رخ کرتے ہیں، مندروں کی ڈاف صفائی اور دریائے گنگا میں اسنان (نہانا)کرنے کو سعادت مندی تصور کیا جاتا ہے۔
ہندو مذہب کے پیروکاروں کا ماننا ہے کہ اس شہر میں جس شخص کی موت یا آخری رسومات ادا کی جائے وہ بھگوان کے پاس دیوتا بن جاتا ہے اور دوسرے جنم سے آزادی مل جاتی ہے۔
یہی وجہ ہے کہ دور دراز علاقوں سے ہندو اپنی آخری عمر وارانسی (بنارس) میں گزارنے کے خواہشمند ہوتے ہیں۔
وارانسی (بنارس) کے گرجاگھر علاقے میں واقع کاشی لابھ مکتی مندر بھون جہاں پر اب تک 14 ہزار سے زائد لوگوں کی موت ہوچکی ہے، مندر کے پجاری کالی کاندوے نے بتایا کہ اس گھر میں 15 دنوں کے لیے پناہ دی جاتی ہے جس میں وہ اپنے اہل خانہ کے ساتھ موت کا انتظار کرتے ہیں اگر اس دوران موت نہیں آتی ہے اور امید رہتی ہے تو اس کی معیاد میں اضافہ کردیا جاتا ہے، اسی طرح سے سال بھر لوگ یہاں آتے ہیں اور اپنے موت کا انتظار کرتے ہیں۔
