لکھنو: اتر پردیش مدرسہ تعلیمی بورڈ کے حوالے سے یہ بات موضوع بحث ہے کہ مدرسہ بورڈ بی ایڈ اور ایم ایڈ کے کورسز شروع کرانے کی تیاریاں کر رہا ہے ۔اس حوالے سے مدرسہ بورڈ کے رجسٹرار پرینکا اوستھی نے ای ٹی وی بھارت سے بات چیت کرتے ہوئے بتایا کہ یہ بات موضوع بحث بن گئی کہ مدرسہ بورڈ کی ڈگری کامل اور فاضل جو گریجویشن اور پوسٹ گریجویشن کے مساوی ہیں ان کو ابھی تک یو جی سی نے منظوری نہیں دی ہے۔ یہی وجہ ہے کہ طلبا ان ڈگریوں کے ذریعہ کسی مقابلہ جاتی امتحان میں نہیں شریک ہو سکتے ہیں۔ اس کے علاوہ نیٹ جی آر ایف جیسے اہم امتحان میں شریک ہو سکتے ہیں لہذا کامل اور فاضل کو کسی یونیورسٹی سے الحاق کرایا جائے اس حوالے سے کاروائیاں کی جائیں۔
مدرسہ بورڈ کی رجسٹرار پرینکا اوستھی نے کہا کہ اب اس بات پر اتفاق ہوا ہے کہ سبھی یونیورسٹیوں کو مدرسہ بورڈ خط لکھے گا اور یہ گزارش کرے گا کہ کامل اور فاضل کی ڈگری کو منظوری دیں۔
یہ بھی پڑھیں:AMU Students Leader Arrested اے ایم یو اسٹوڈنٹ لیڈر فرحان زبیری گرفتار، طلبہ کا احتجاج
انہوں نے یہ بھی بتایا کہ لکھنو میں موجود خواجہ معن الدین چشتی لینگویج یونیورسٹی سے بھی الحاق کرانے کی کوششیں جاری ہیں اگر یونیورسٹی کامل اور فاضل کی ڈگری کو منظوری دیتی ہے تو طلبہ کو آنے والی تمام پریشانیاں حل ہو جائیں گی ۔اس سے نیٹ جی ار ایف سمیت تمام تر مقابلہ جاتی امتحانات میں بھی شریک ہو سکیں گے لہذا اب اس بات پر زور دیا جا رہا ہے کہ پہلے کامل اور فاضل کو یونیورسٹی سے منظوری دلائی جائے۔
