ریاست اترپردیش کے بجنور ضلع کے تھانہ نورپور کے راجہ تاجپور سڑک پر اچانک تیز رفتار دو کار آپس میں ٹکرا گئی۔ سڑک حادثے میں ایک شخص کی موت ہو گئی جبکہ دیگر چار افراد شدید طور پر زخمی ہو گئے۔
تیز رفتار دو کار آپس میں بھڑیں ایک ہلاک چار زخمی
ٹکر اتنی شدید تھی کہ کار سڑک پر پلٹ گئی جس کی وجہ سے ایک کار میں آگ لگ گئی۔
آگ اتنی تیز تھی کہ بمشکل کار میں سے ایک نوجوان کو راہگیروں نے نکال تو لیا۔
لیکن وہ بچ نہ سکا۔
روہت نام کا نوجوان پاس کہیں ٹاور سے کام کر کے اپنے گھر کی طرف روانہ تھا جبکہ دوسری کار میں سوار چار افراد مظفر نگر سے رشتہ کر کے نورپور آئے تھے۔
وہ بھی اپنے گھر جارہے تھے لیکن اسی دوران سڑک حادثہ ہوگیا۔ موقع پر پہنچی پولیس نے لاش کو قبضے میں لے کر پوسٹ مارٹم کے لیے روانہ کر دیا ہے۔
