انڈین یوتھ کانگریس نے اتر پردیش میں پارٹی سے نوجوانوں کو جوڑنے کے لیے نے نئی پہل کی ہے، یوتھ کانگریس 'ینگ انڈیا کے بول' کے نام سے قومی تقریری مقابلہ کرا رہی ہے جس کے فاتح امیدواروں کو پارٹی ترجمان بننے کا موقع ملے گا، اس کا مقصد ہے کہ نوجوان پارٹی سے جڑ کر اپنے مسائل اور خیالات کا اظہار ٹھیک ڈھنگ سے کر سکیں۔ ریاست اتر پردیش کے بارہ بنکی میں یوتھ کانگریس کے ریاستی ترجمان حمام وحید نے بتایا کہ یہ تقریری مقابلہ ضلعی سطح سے لیکر قومی سطح تک ہوگا اور اس کے لیے امیدواروں کو آن لائن فارم بھرنا ہوگا، حمام وحید نے بتایا کہ اس تقریری مقابلے کا مقصد سماج سے ایسے نوجوانوں کا انتخاب کرنا ہے جن کے اندر ترجمانی کی صلاحیت ہو۔
انہوں نے کہا کہ 2014 میں جب سے یوگی حکومت اقتدار میں آئی ہے نوجوانوں کو گمراہ کیا جا رہا ہے، انہوں نے کہا کہ ملک میں ذات اور مذہب کے نام پر تفریق ڈال کر انہیں گمراہ کرکے اصل مسائل سے دور رکھا جا رہا ہے انہوں نے کہا کہ اس پروگرام کے ذریعے خراب کئے جا رہے ماحول کو بھی بہتر بنانا ہے۔ Uttar Pradesh Youth Congress
