یوپی مدارس بورڈ ایک 17 نکاتی ہدایت نامہ جاری کیا ہے اور تمام مدارس کو ہدایت دی ہے کہ وہ امتحانات سے قبل طلبہ اور والدین کےساتھ میٹنگ کر کے ان تمام پوائنٹس کو بتائیں، تاکہ طلبہ کھلے ذہن سے منشی اور مولوی کے بورڈ امتحانات دے سکیں۔
یوپی مدرسہ بورڈ کی ہدایت پر سنیچر کو بارہ بنکی کے بنکی ٹاؤن ایریہ میں واقع مدرسہ عربیہ حنیف العلوم میں تمام بورڈ امتحانات دینے والے طلبہ اور ان کے والدین کی خصوصی میٹنگ بلائی گئی اور اس میں ہدایت نامہ کے تمام نکات سے رو برو کرایا گیا ہے۔
ہدایت نامہ میں بتایا گیا ہے کہ امتحانات کے دوران طلبہ کو کیا کرنا ہے کیا نہیں، جس سے وہ امتحانات کو بوجھ کے طور پر نہ لیں۔ اسی قسم سے والدین کو بھی تمام ہدایات دی گئی ہیں کہ وہ بچوں پر بہتر مظاہرہ کے لئے بیجا دباؤ نہ بنائیں، جس سے طلبہ گمراہ ہوں۔
یوپی مدرسہ بورڈ کےپاس اقدام کی طلبہ اور ان کے والدین نے ستائش کی ہے۔
