چھپرا: ریاست بہار میں سارن ضلع کے بھیلدی تھانہ علاقے میں ایک چار پہیہ گاڑی کی زد میں آکر تین افراد کی موت ہوگئی۔ پولیس ذرائع نے بدھ کو یہاں بتایا کہ منگل کی دیر رات گڑکھا تھانہ علاقہ کے کدربگھا گاؤں کے رہنے والے آیوش کمار، کدنا گاؤں کے رہنے والے نیرج کمار اور اتم کمار ایک شادی کی تقریب میں شرکت کے لیے موٹرسائیکل پر گڑکھا سے مکیر جا رہے تھے۔ اسی دوران بھیلدی تھانہ علاقہ کے کٹسا کے نزدیک سڑک حادثہ پیش آیا۔ اس حادثے میں موٹر سائیکل پر سوار تینوں افراد کی موقع پر ہی موت ہو گئی۔ Bike Accident in Saran
ذرائع کا کہنا ہے کہ حادثے کے بعد نامعلوم گاڑی کا ڈرائیور گاڑی سمیت فرار ہو گیا۔ واقعہ کی اطلاع ملتے ہی پولیس موقع پر پہنچ گئی اور لاشوں کو پوسٹ مارٹم کے لیے چھپرہ صدر اسپتال بھیج دیا۔ پولیس اس معاملے میں ایف آئی آر درج کرکے تحقیقات کررہی ہے۔
یہ بھی پڑھیں: Saran Road Accident سارن سڑک حادثے میں بچی کی موت
یواین آئی
