پانچ ریاستوں میں اسمبلی انتخابات کی تاریخوں کے اعلان کے بعد سے اتر پردیش کی سیاسی سرگرمیوں Uttar Pradesh Assembly Election پر ملک بھر کی نگاہیں مرکوز ہیں۔تمام سیا سی جماعتیں اپنے امیدورں کی فہرست جاری کرہی ہیں۔
ریاست کے شہر مراد آباد کی اگر بات کی جائے تو یہاں اسمبلی کی چھ نشستیں ہیں ۔
سیاسی جماعت سوشلسٹ یونٹی سنٹر آف انڈیا یعنی کمیونسٹ پارٹی نے مراد آباد کی 28 سٹی اسمبلی حلقہ سیٹ سے ایڈووکیٹ اویناش چندر سکسینہ اور مراد آباد دیہات27 اسمبلی حلقہ سے شیشو پال سنگھ انتخابی میدان میں اتارا ہے۔
ای ٹی وی بھارت سے بات چیت میں اویناش چندر سکسینہ نے کہا کہ مراد آباد کے غریب عوام کے ساتھ وہ ہمیشہ شانہ بشانہ کھڑے رہے ۔ مراد آباد کو تعلیم یافتہ ایماندار رہنماؤں کی ضرورت ہے جو بہتر انداز میں ان کی نمائندگی کر سکے۔
مزید پڑھیں:مراد آباد میں اسمبلی انتخابات-2022 کی تیاریاں شروع
مرادآباد دیہات اسمبلی 27 سے امیدوار شیشوں پال سنگھ نے کہا کہ موجودہ رکن اسمبلی نے علاقے میں کوئی کام نہیں کیا ۔لوگ تبدیلی چاہتے ہیں۔ انہوں نے مزید کہا کہ ہم زمینی سطح کے لوگ ہیں ۔عوام کے مسائل اور ان کے حل کئے لئے وہ بھرپور کوشش کرینگے۔
