ریاست اتر پردیش کے تین ایسے مراکز ہیں جہاں یوم جمہوریہ اور یوم آزادی کے موقع پر ترنگا تیار کیا جاتا ہے۔ جس میں ایک ضلع میرٹھ بھی ہے۔ لیکن گزشتہ ڈیڑھ سال سے کورونا وبا کے بحران نے میرٹھ کے اس جھنڈا مینوفیکچرنگ یونٹ کو بھی بری طرح متاثر کیا ہے۔
اتر پردیش میں میرٹھ کا 'گاندھی آشرم' قومی پرچم تیار کرنے کا لائسنسی سینٹر ہے۔ سنہ 1920 میں میرٹھ میں گاندھی آشرم کے قیام کے دس سال بعد سے ہی یہاں ترنگا بنانے کا کام جاری ہے۔
یہ بھی پڑھیں: قومی پرچم بنانے والی گھریلو صنعت بھی لاک ڈاؤن سے متاثر
کورونا وبا کے قہر کے سبب اس سال جھنڈا تیار کرنے کا کام بری طرح متاثر ہوا ہے۔ جھنڈے کے لئے سوت کاتنے سے لے کر کپڑا تیار کرنے، اسکرین پرنٹنگ اور سلائی کرنے والوں تک کا روزگار بری طرح متاثر ہوا ہے اور اس وجہ سے اس سال بہت کم تعداد میں جھنڈا تیار کیا جا سکا ہے۔
میرٹھ کے گاندھی آشرم میں تیار ترنگے جھنڈے کشمیر سے لےکر کنیا کماری تک سپلائی کیے جاتے ہیں۔
