ریاست اترپردیش کے مغربی شہر میرٹھ میں زرعی قوانین کے خلاف دہلی میں کسانوں کی ٹریکٹر ریلی کے دوران ہوئے ہنگامے کے بعد کسان تحریک سے جڑے سماجی کارکنان اور کسان تنظیموں نے حکومت کے سخت رویہ پر برہمی کا اظہار کیا ہے۔
خیال رہے کہ 26 جنوری کی کسان ٹریکٹر ریلی میں شامل ہونے دہلی پہنچے کسان رہنما نے اس ہنگامے اور تشدد کے لیے کسان تحریک کو نقصان پہنچانے والے عناصر کو قصوروار ٹھہرایا ہے۔
واضح رہے کہ مغربی اترپردیش کے مختلف اضلاع سے بڑی تعداد میں کسان ٹریکٹر ریلی میں شامل ہونے کے لیے دہلی پہنچے تھے ۔
ریلی میں تشدد کے واقعات کے بعد تحریک سے جڑے کسانوں نے الزام لگایا کہ حکومت اور پولیس انتظامیہ کے انتظامات ٹریکٹر ریلی کے لیے ناکافی ثابت تھے۔
کسان تحریک میں شامل کسان رہنما کا ماننا ہے کہ اس طرح کے واقعات سے کسان تحریک پر کسی طرح کا اثر پڑنے والا نہیں ہے اور کسان رہنماؤں نے ہنگامہ کرنے والے عناصر کی پہچان کرکے سزا دینے کا حکومت سے مطالبہ کیا ہے۔
وہیں کسان تنظیموں کے ذمہ داران سے بھی اس طرح کے لوگوں کو تحریک سے دور رکھنے کی اپیل کی ہے۔
