یوگا ڈے کے موقع پر ضلع کانپور کے تمام اعلیٰ حکام اورشہر کے تمام معززین یوگا ڈے کے موقع پر اپنے ساتھ لائے پانی کی بوتل، کھانے پینے کے پیکٹ و غیرہ سب گرین پارک اسٹیڈیم میں پھینک کر چلے گئے گئے، بعد میں ضلع کلکٹر نے خود اپنے ہاتھوں سے انھیں اٹھایا اور اپنے ساتھ تمام لوگوں کو شامل کرکے گرین پارک کو صاف کیا۔
ملک کے مختلف حصوں میں جس طریقے سے یوگا ڈے کے موقع پر یوگا کا اہتمام کیا گیا ویسے ہی کانپور کے گرين پارك میں یوگا ڈے کا پروگرام تھا۔
یوگا پروگرام ختم ہونے کے بعد ہزاروں لوگ جو اپنے ساتھ میں پانی کی بوتلیں اور کھانے پینے کا سامان پولیتھین میں بھر کر لائے تھے، انھیں کھانے کے بعد اسٹیڈیم میں ہی چھوڑ کر چلے گئے۔
ضلع مجسٹریٹ وجے وشواس پنت نےیوگا ختم ہونے کے بعد اسٹیڈیم میں پھیلی گندگی پر اپنی ناراضگی کا اظہار کیا، اور خود ہی گراؤنڈ میں پڑے مالیتھین، پیکٹ اور پانی کی بوتل اٹھانے پہنچ گئے۔
ضلع مجسٹریٹ نے کہا کہ تمام لوگوں کو حفظان صحت کا خیال رکھنا چاہئے، اپنے ارد گرد پھیلی ہوئی گندگی کو ہٹانا سبھی کی ذمہ داری ہے۔
