آل انڈیا مسلم فیڈریشن کی پالیسی اور پروگرام کیا ہے اور آئندہ اس تنظیم کی ترجیحات کیا ہوں گی؟ اس متعلق ہم نے فیڈریشن کے نومنتخب جنرل سکریٹری محمد ضمیر رضوی ایڈووکیٹ سے خصوصی بات چیت کی۔
اترپردیش،رامپور کے گورنمنٹ رضا پی جی کالج میں اردو سبجیکٹ کا امتحانی پرچے میں طلبہ کو ہونے والی دشواریوں سے متعلق سوال کا جواب دیتے ہوئے ضمیر رضوی نے کہا روہیلکھنڈ یونیورسٹی کی جانب سے اردو کا جو پرچہ تیار کیا گیا تھا اس میں کافی خامیاں ہیں، جس سے طلبہ کو کافی دشواریوں کا سامنا کرنا پڑا۔
یہ بھی پڑھیں:میرٹھ: محرم الحرام کو لیکر ڈی جی پی آفس سے جاری سرکولر پر ہنگامہ
رامپور میں آل انڈیا مسلم فیڈریشن کے نومنتخب جنرل سکریٹری محمد ضمیر رضوی ایڈووکیٹ نے ای ٹی وی بھارت سے خصوصی بات چیت کے دوران کہا کہ اعظم خاں رہائی کے لئے تنظیم ہر سطح پر کوشاں ہے۔
انہوں نے کہا کہ وہ اس کے لئے یونیورسٹی انتظامیہ کو خط لکھیں گے۔ وہیں رامپور کے رکن پارلیمان اعظم خاں کی رہائی سے متعلق انہوں نے کہا کہ ان کی تنظیم ہر سطح پر کوشاں ہے اور مسلسل اعظم خاں کی رہائی کے لئے آواز بلند کر رہی ہے۔
انہوں نے کہا کہ ویسے تو اعظم خاں کے تمام معاملے عدالت میں زیر بحث ہے اور 'ہمیں امید ہے کہ اعظم خاں کو ضرور انصاف ملے گا۔' ساتھ ہی انہوں نے کہا کہ 'ہم اعظم خاں کی صحتیابی کے لئے خصوصی دعائیں کر رہے ہیں۔'
