چیف جسٹس این وی رمن کی سربراہی والی بینچ نے ہلاک کسانوں کے اہل خانہ کی جانب سے کلیدی ملزم آشیش مشرا کی ضمانت مسترد کرنے کی اسپیشل لیوپٹیشن پر شنوائی کے بعد حکومت کو نوٹس جاری کیا۔ Lakhimpur Kheri Violence Case
سپریم کورٹ نے اس معاملے کے گواہوں کی حفاظت کو یقینی بنا نے کی ریاستی حکومت کو ہدایت دی۔ سپریم کورٹ اس معاملے کی اگلی شنوائی 24 مارچ کو کرے گا۔
عرضی گزار متوفی کسانوں کے اہلخانہ کے وکیل پرشانت بھوشن نے عدالت عظمیٰ کو بتایا کہ اتر پردیش میں لکھیم پور کھیری تشدد معاملے کے ایک گواہ پر گزشتہ جمعرات کی شب کو حملہ کیا گیا تھا۔ عرضی گزاروں کا یہ بھی الزام ہے کہ ملزمان کی جانب سے گواہوں کو متاثر کرنے کی کوششیں کی جارہی ہیں۔ گواہوں کو دھمکیاں دی جا رہی ہیں۔ Lakhimpur Kheri Violence Case
جلد سماعت کی استدعا کرتے ہوئے بھوشن نے الزام کیا کہ ریاست میں بھارتیہ جنتا پارٹی کی حکومت کی واپسی کے بعد ملزمین کی جانب سے دھمکیاں دی جارہی ہیں۔ Lakhimpur Kheri Violence Case
بتا دیں کہ سپریم کورٹ نے منگل کو کہا تھا کہ وہ آشیش مشرا کو ضمانت دینے کے فیصلے کو چیلنج کرنے والی عرضی کی سماعت کے لیے ایک بنچ تشکیل دے گی۔ اتر پردیش کے لکھیم پور کھیری میں تشدد میں مارے گئے کسانوں کے خاندانوں کے تین افراد نے آشیش مشرا کو ضمانت دینے کے ہائی کورٹ کے حکم کو سپریم کورٹ میں چیلنج کیا ہے۔ 10 فروری کو ہائی کورٹ کی سنگل بنچ نے اس معاملے میں مشرا کو ضمانت دی تھی۔ اس سے قبل وہ چار ماہ تک حراست میں تھے۔ Lakhimpur Kheri Violence Case
یہ بھی پڑھیں: Lakhimpur Kheri case: لکھیم پور سانحہ، آشیش مشرا اور دیگر کے خلاف قتل کا مقدمہ درج
واضح رہے کہ کسانوں کا ایک گروپ 3 اکتوبر 2021 کو بی جے پی لیڈر کیشو پرساد موریہ کے دورے کے خلاف احتجاج کر رہا تھا، تبھی لکھیم پور کھیری میں ایک ایس یو وی کار نے مبینہ طور پر چار کسانوں کو کچل دیا۔ کسان لیڈروں نے دعویٰ کیا کہ مظاہرین کو کچلنے والی گاڑی میں آشیش مشرا موجود تھے۔ Lakhimpur Kheri Violence Case
