ریاست اترپردیش کے ضلع مظفر نگر میں کورونا وبا کے بڑھتے ہوئے پھیلاؤ کے مدنظر میونسپلٹی چیئرمین کے زیر انتظام شہر کے سبھی مرکزی چوراہوں پر سینیٹائزیشن مہم چلائی گئی۔
ضلع مظفرنگر کی میونسپلٹی کی چیئرمین انجو اگروال ضلع میں بڑھتے ہوئے کورونا کے کیسوں سے پریشان ہیں۔ کورونا وبا کی روک تھام کے لیے اور اس کے پھیلاؤ کو روکنے کے لیے چیئرمین کے ذریعے مسلسل سینیٹائزیشن مہم چلائی جا رہی ہے۔
شہر میں بڑھتے ہوئے کورونا انفیکشن کے مدنظر آج چیئرمین انجو اگروال نے خود ہی سینیٹائزیشن مہم کی شروعات کی۔ اس مہم میں بلدیہ ملازمین کے ساتھ پرکاش چوک، مہاویر، چوک میناکشی چوک اور شہر کے مختلف چوراہوں پر دکانوں اور مکانوں پر سینیٹائزیشن کا کام کیا۔
بلدیہ کی چیئرمین انجو اگروال نے کہا کہ بڑھتے ہوئے کورونا انفیکشن کی وجہ سے ضلع میں سینیٹائزینشن مہم کی شروعات کی گئی ہے۔ میونسپلٹی کے پانی کے کئی بڑے ٹینکروں کی مدد سے خصوصی دواؤں کا چھڑکاؤ کیا گیا۔ بدلیہ ملازمین ہر دکان اور مکان کا سینیٹائزیشن کریں گے تاکہ کورونا کے پھیلاؤ کو روکا جا سکے۔
