Road Accident in Firozabad فیروزآباد میں مسافر بس کھائی میں گری، چھ افراد ہلاک

لدھیانہ سے رائے بریلی جا رہی مسافروں سے بھری ایک بس ڈی سی ایم سے ٹکرا گئی۔ ٹکرانے کے بعد بس کھائی میں جا گری۔ اس حادثے میں 6 افراد ہلاک جب کہ 21 مسافر زخمی ہوئے ہیں۔ bus fell into ditch in Firozabad

فیروز آباد: پنجاب کے لدھیانہ سے رائے بریلی جا رہی مسافروں سے بھری ایک بس بدھ کی صبح ڈی سی ایم سے ٹکرانے کے بعد کھائی میں گر گئی۔ حادثے میں 6 افراد ہلاک اور 21 زخمی ہوگئے۔ یہ حادثہ آگرہ لکھنؤ ایکسپریس وے کے اسٹون نمبر 61.200 کلومیٹر پر پیش آیا۔ نگلہ کھنگر تھانہ پولیس نے موقع پر پہنچ کر زخمیوں کو علاج کے لیے اسپتال میں داخل کرایا۔ ساتھ ہی لاشوں کو پوسٹ مارٹم کے لیے بھیج دیا گیا ہے۔ بتایا جا رہا ہے کہ بس میں کل 45 مسافر سوار تھے۔ Bus Accident on Lucknow expressway

معلومات کے مطابق زخمیوں کو سیفئی ریفر کر دیا گیا ہے۔ ہلاک ہونے والوں میں 14 ماہ کا بچہ، ایک خاتون اور چار مرد شامل ہیں۔ سلیپر بس لدھیانہ سے رائے بریلی جا رہی تھی۔ بس میں تقریباً 45 مسافر سوار تھے۔ بدھ کی صبح 4 بجے نگلہ کھنگر علاقے میں ایکسپریس وے پر بس ڈی سی ایم سے ٹکرا گئی۔ اس کے بعد یہ ایکسپریس وے پر الٹ گیا۔ حادثے کی اطلاع ملتے ہی پولیس نے زخمیوں کو بس سے نکال کر ہسپتال پہنچا دیا۔ پولیس کا کہنا ہے کہ حادثے میں چھ افراد کی موت ہو گئی ہے۔