Snake attack on a person in Rampur: رامپور میں ایک شخص پر سانپ کا حملہ

اترپردیش کے ضلع رام پور میں ایک عجیب و غریب واقعہ پیش آیا ہے جہاں ایک مزدور پر سانپ سات ماہ میں سات بار حملہ کرچکا ہے لیکن ہر بار مزدور علاج سے زندہ بچ جاتا ہے۔ ناگن کا یہ خطرناک انتقام اب بھی جاری ہے۔ Snake attack on a person in Rampur

اطلاعات کے مطابق رام پور تحصیل سوار کے گاؤں مرزا پور کے رہائشی احسان عرف ببلو نے بتایا کہ چند ماہ قبل وہ گاؤں کے ایک فارم ہاؤس پر کام کررہا تھا۔ اس دوران اچانک کالے رنگ کے ناگ ناگن کا ایک جوڑا سامنے آگیا۔ احسان نے اپنی جان بچانے کے لیے فاوڑے سے ایک سانپ کو مار کر مٹی میں دفن کردیا جب کہ دوسرا سانپ بھاگ گیا۔ Snake attack on a person in Rampur

ببلو کے مطابق اس کے بعد سے اس پر مسلسل سانپ کا حملہ جاری ہے۔ جب وہ کسی کھیت میں کام کرنے جاتا ہے تو سانپ خاموشی سے اس پر حملہ کر دیتا ہے۔ سات ماہ میں تقریباً سات بار اس پر سانپ نے حملہ کیا ہے لیکن ہر بار وہ علاج سے بچ جاتا ہے، سانپ کا یہ بدلہ ان دنوں رام پور میں بحث کا موضوع بنا ہوا ہے۔ Snake attack on a person in Rampur

مزید پڑھین:

اس حوالے سے فارم ہاؤس کے مالک ستیندر بتاتے ہیں کہ ببلو کے چار چھوٹے چھوٹے بچے ہیں۔ ان کی پرورش کے لیے ببلو کھیت میں کام کرتا ہے۔ ہر بار ناگن آکر چپکے سے ببلو کو کاٹ لیتی ہے۔ اس کی اطلاع ملتے ہی مقامی لوگ اسے ڈاکٹر کے پاس لے جاتے ہیں جہاں علاج سے اس کی جان بچ جاتی ہے، ناگن کے انتقام کی وجہ سے ببلو کی جان ہر وقت خطرے میں ہے۔ ببلو نے بتایا کہ مجھے نہیں معلوم کہ یہ حملہ کب تک جاری رہے گا۔ ان کے مطابق ممکن ہے ناگن ببلو سے ناگ کی موت کا بدلہ لے رہی ہو۔ ان کا کہنا ہے کہ سانپ کا تعلق کوبرا نسل سے ہے۔