گریٹر نوئیڈا کے انڈیا ایکسپو سینٹر میں منعقد اس نمائش میں دنیا کے بڑے اسٹاک ہولڈرز اور بین الاقومی ماہرین نے شرکت کی۔ اسی مقاصد کے لئے ایک پلیٹ فارم پر اکٹھا ہو کر صاف توانائی کو فروغ دینے کے اقدامات پر تبادلہ خیال کیا گیا اور اس کے راستے میں درپیش چیلنجوں پر غور و حوض کیا گیا۔
ان چیلنجوں کا مقابلہ کرنے کے لئے نئے تکنیکی حل بھی تجویز کیے گئے۔ اس سال انڈیا ایکسپو میں قابل تجدید توانائی کی پیداوار، تقسیم، ریگولیٹری ڈھانچے اور ان کے چیلنجوں پر تبادلہ خیال کیا گیا۔
اس پروگرام میں بہت ساری بڑی کمپنیوں کے پیشہ ور افراد، تکنیکی ماہرین، مجاز اتھارٹیز اور بااثر فیصلے لینے کی اہل شخصیات نے شرکت کی۔
اس موقع پر بلومبرگ نیو انرجی فنانس، ای وائی انڈیا پاور اینڈ یوٹیلٹیز، فرائی برگ کمپنیوں کے رہنماؤں اور نمائندوں نے دنیا کی توانائی کے استحکام کو فروغ دینے کے لئے ہاتھ ملایا۔ اس کے ساتھ برازیل، حکومت ہند، مدھیہ پردیش ریاست، تلنگانہ ریاست کے حکومتی نمائندے بھی قابل تجدید توانائی اور مستقبل کے منصوبوں کے فوائد کو اجاگر کیا۔
ہندوستان میں انفارمیشن مارکیٹس کے منیجنگ ڈائریکٹر یوگیش مدراس نے اپنے افتتاحی خطاب میں کہا کہ "قابل تجدید انرجی انڈیا ایکسپو 2019 ایک انوکھا اور قابل اعتماد پلیٹ فارم مہیا کراتا ہے۔ اس میں تمام پالیسی صنعت کاروں اور صنعت کے ماہرین ایک پلیٹ فارم پر اکٹھے ہوجاتے ہیں اور اس موضوع پر تمام خدشات پر تبادلہ خیال کرتے ہیں اور ان کا بہترین حل تلاش کیا جاتا ہے۔ یہ شو کاروبار، جدت طرازی، رجحانات اور نیٹ ورکنگ کو بڑھانے اور اس کی گرفت کے لئے قابل اعتماد وسائل میں سے ایک ہے۔ یہ تنوع کے باوجود صنعت کو ترقی دینے کی ترغیب دیتا ہے۔ اس ایکسپو میں تمام ایسوسی ایشن، سرکاری اداروں، آزاد رہنماؤں اور صنعت کے ماہرین کے نمائندے ایک پلیٹ فارم پر جمع ہوتے ہیں۔ یہاں بازار کے رجحانات، سرمایہ کاری اور جدید ٹکنالوجی کے موضوعات پر ایک ساتھ چرچا کی گئی۔
گریٹر نوئیڈا کے انڈیا ایکسپو سینٹر میں منعقد اس نمائش میں توانائی کے سربراہ محمد انعام الکریم پاول، ٹاٹا پاور میں قابل تجدید ذرائع کے محکمہ کے صدر اور ٹاٹا پاور شمسی کے ایم ڈی اور سی ای او آشیش کھنہ، اور عالمی بینک کے چیف انرجی ماہر سائمن اسٹالپ، ایل اینڈ ٹی میں گھریلو اور عالمی قابل تجدید کاروبار کی ترقی کے سربراہ شاجی جان، محکمہ ترقیات کے سربراہ ڈاکٹر انوورت جوشی کے علاوہ انیولیا انرجی پرائیوٹ لمیٹڈ کے سی ای او اروند ریڈی سمیت انڈسٹری کی معروف شخصیات نے شرکت کی۔
