رامپور: اترپردیش اسمبلی انتخابات Uttar Pradesh Assembly elections 2022 میں رامپور کی سوار ٹانڈہ اسمبلی سیٹ پر سب کی نگاہیں ٹکی ہوئی ہیں۔ اس سیٹ پر رامپور کے دو بڑے خاندانوں کے چشم و چراغ انتخابی میدان میں ہیں۔
رامپور کی سوار ٹانڈہ اسمبلی سیٹ پر ایک طرف جہاں اعظم خاں کے فرزند عبداللہ اعظم Abdullah Azam candidate from Rampur Suwar Assembly seat ہیں تو دوسری جانب نواب خاندان کے چشم و چراغ ہمزہ میاں ہیں۔ ان میں سے سوار ٹانڈہ کے عوام کس کو اپنا اسمبلی نمائندہ بنا کر لکھنؤ بھیجیں گے۔ اس سلسلے میں ای ٹی وی بھارت نے رامپور کے رائے دہندگان سے بات چیت کی۔
سوار ٹانڈہ اسمبلی حلقہ سے 2017 کے اسمبلی انتخابات میں اعظم خاں کے فرزند عبداللہ اعظم پہلی مرتبہ چناوی میدان میں اترے تھے اور انہوں نے بہوجن سماج پارٹی کے امیدوار اور سابق وزیر نواب کاظم علی خاں عرف نوید میاں کو شکست دے کر ایک لاکھ سے زائد ووٹ حاصل کر کے اپنی جیت درج کرائی تھی۔ جب کہ بی جے پی امیدوار کو تقریباً 53 ہزار ووٹ حاصل ہوئے تھے تو وہیں نوید میاں کو محض 42 ہزار 233 ووٹ حاصل ہوئے تھے۔ اس کے بعد نوید میاں نے کانگریس میں شمولیت اختیار کر لی تھی۔
اب اس مرتبہ 2022 کے اسمبلی انتخابات Uttar Pradesh Assembly elections 2022 میں نوید میاں رامپور صدر سیٹ سے اعظم خاں کے مد مقابل کانگریس کے ٹکٹ پر چناوی میدان میں ہیں تو وہیں انہوں نے اپنے فرزند حیدر علی خاں عرف ہمزہ میاں کو عبداللہ اعظم کے سوار ٹانڈہ اسمبلی حلقہ سے کانگریس کا ٹکٹ دلواکر امیدوار بنایا تھا لیکن بعد میں ہمزہ میاں نے بی جے پی کی حمایت والے اپنا دل میں شامل ہو گئے اور اب اپنا دل کے ٹکٹ پر عبداللہ اعظم کے مقابلے الیکشن لڑ رہے ہیں۔
مزید پڑھیں:
ای ٹی وی بھارت کے نمائندہ ابوالکلام نے سوار ٹانڈہ اسمبلی حلقہ پہنچ کر یہاں کے رائے دہندگان سے جاننے کی کوشش کی کہ یہاں عوام کے دلوں پر راج کون کرتا ہے، یہاں کے لوگ کس کو اپنی اسمبلی کا نمائندہ بنانا چاہتے ہیں۔ اس دوران ٹانڈہ کے متعدد رائے دہندگان نے عبداللہ اعظم کے حق میں اپنا فیصلہ سنایا۔
یہاں کے عوام کا کہنا ہے کہ وہ ترقی، تعلیم اور روزگا کو اہم مسائل کے طور پر دیکھتے ہیں اور اعظم خاں و ان کے فرزند عبداللہ اعظم ان تمام مسائل کو حل کرنے میں سب سے بہتر نظر آتے ہیں۔ اس لیے وہ ان کو اپنا ممبر اسمبلی دیکھنا چاہتے ہیں۔
