رامپور: اجتماعی شادی تقریب میں جیب کترنے کی شکایات

رامپور میں وزیراعلی شادی اسکیم کے تحت ہونے والی اجتماعی شادی تقریب میں چوروں نے کئی لوگوں کے جیب کو صاف کر دیا۔

ریاست اترپردیش کے رامپور میں وزیر اعلی شادی اسکیم کے تحت اجتماعی شادی تقریب کا اہتمام کیا گیا جس میں جیب کترنے کی شکایات کے معاملے سامنے آئے ہیں۔

اطلاعات کے مطابق 26 فروری کو رامپور کے لیلا گراونڈ میں وزیر اعلی شادی اسکیم کے تحت 107 غریب جوڑوں کی اجتماعی شادیوں کا اہتمام کیا گیا تھا۔ اس دوران موقع کا فائدہ اٹھاتے ہوئے چوروں نے کسی کی جیب سے نقدی چوری کر لئے تو کسی کے موبائل اڑا لئے۔

شادی تقریب میں پہنچے سماجی کارکن سید تنویر نے اس واقعے پر حیرت کا اظہار کرتے ہوئے کہا کہ وہ اس سے پہلے بھی یہاں شادیوں کی تقریب میں شرکت کر چکے ہیں۔ یہاں ہمیشہ سے بڑی تعداد میں پولیس اہلکار تعینات رہتے ہیں۔ اس کے باوجود چور یہاں بے خوف ہو کر چوری کی واردات کو انجام دے رہے ہیں، یہ اپنے آپ میں حیران کن ہے۔ مزید پڑھیں:

قابل ذکر ہے کہ حکومت کی جانب سے لاک ڈاؤن کے بعد رامپور میں پہلی اجتماعی شادیوں کی تقریب کا اہتمام کیا گیا تھا۔