جب بارش ہوتی ہےتو شہر کے تمام علاقوں میں اس کا پانی جمع ہوجاتا ہے، اس وجہ سے لوگوں کی زندگی مفلوج ہوکر رہ جاتی ہے۔
اس کے علاوہ شہر میں جگہ جگہ کوڑے کا جم غفیر نظر آتا ہے، آوارہ جانور جگہ جگہ گھومتے نظر آتے ہیں، اس وجہ سے عوام کو پریشانی ہوتی ہے۔
ریاست کی سماجوادی پارٹی کے کارکنان نے کمشنر کو میمورنڈم سپرد کیا ہے اور مطالبہ کیا ہے کہ شہر کی گندگی، آوارہ جانور کتا، بندر اور گائے کی پریشانی کا مستقل حل نکالا جائے۔
گوپال اگروال نے کہا کہ بارش کے موسم میں میرٹھ کے جِم خانے میں مہینوں تک پانی بھرا رہتا ہے جس سے طرح طرح کی بیماریاں پیدا ہوتی ہیں ایسے میں اگر واٹر ہارویسٹنگ پلانٹ نصب کردیا جائے تو پانی کی پریشانیوں سے ل شہر کی عوام محفوظ رہے گی۔
انہوں نے کہا کہ شہر کے سبزی منڈی کے قریب کثیر مقدار میں سبزیوں کے چھلکے جمع ہوتے ہیں ایسے میں ایک پلانٹ لگا کر متھنائیل گیس بنا سکتے ہیں جس کا بہتر استعمال کیا جا سکتا ہے۔
انہوں نے مزید کہا کی شہر میں آوارہ جانوروں سے لوگ پریشان ہیں کتے بندر گھر اور گائے آئے دن روڈ پر گھومتے رہتے ہیں جس سے کئی بار سڑک حادثہ بھی ہوتا ہے ایسے میں میں بلدیہ کو ان پر قابو پانے کی ضرورت ہے۔
کمشنر اروند چورسیا نے بتایا کی میرٹھ میں عہدہ سنبھالے ہوئے ابھی چار دن ہوئے ہیں جن میں بہت ساری پریشانیوں کا حل نکالا ہے آئندہ شہر کے حالات کو بہتر کرنے کے لیے تمام مقامات کی نشاندہی کر لی گئی ہے اور مسلسل نالوں کی صفائی جاری ہے آوارہ جانوروں پر بھی قابو پالیاگیا اور شہر کے باہر ایک کیٹل کالونی کی تعمیر کی جائے گی جس میں شہری لوگ مویشی پال سکیں گے۔
