سال 2022 کے اسمبلی انتخابات اور بی جے پی کی جانب سے وزیر اعلیٰ کے امیدوار کے تعلق سے پوچھے گئے سوال کے جواب میں انہوں نے کہا کہ 2022 میں بھی ریاست میں بی جے پی کی جیت ہوگی۔ اور وزیر اعلیٰ یوگی آدتیہ ناتھ رہیں گے۔
ریاست کے دارالحکومت اترپردیش میں چند ایام قبل پکڑے گئے شدت پسندوں کے متعلق پوچھے گئے سوال کے جواب میں انہوں نے کہا کہ یہ اترپردیش پولیس کی کامیابی ہے-
اسمبلی انتخابات کے پیشِ نظر مختلف سیاسی جماعتوں کے باہم اتحاد کے تعلق سے پوچھے گئے سوال کے جواب میں موریہ نے کہا کہ جن سیاسی جماعتوں کے درمیان اتحاد ہونے جارہا ہے ریاست کے عوام اس اتحاد کو کامیاب نہیں ہونے دیں گے۔
مزید پڑھیں:جن کے ہاتھ خون سے رنگے ہوں وہ مندر تعمیر پر صلاح نہ دیں: کیشو پرساد
ریاست میں صحافیوں کے ساتھ ہوئی بدسلوکی کے معاملہ پر موریہ نے کہا کہ اگر کسی بھی صحافی کے ساتھ نامناسب سلوک ہوا ہے تو قصورواروں کے خلاف سخت کارروائی کی جائے گی۔
