عیدالاضحی کے دوران شہر نوئیڈا کے تھانہ سیکٹر-39 میں واقع صدر پور گاؤں کے سوم بازار میں دو بیل مرے ہوئے پائے گئے تھے۔ ار ایس ایس اور ہندو واہنی کے لوگ جائے وقوع پر پہنچے جس کے بعد سوشل میڈیا پر اشتعال انگیزی اور پروپیگنڈا شروع ہو گیا۔
اس معاملے کی اطلاع ملتے ہی پولیس بھی موقع پر پہنچ کر لوگوں کو سمجھانے کی کوشش کی لیکن اسی دوران پولیس اور لوگوں میں نوک جھونک بھی ہوئی۔
پولیس تحقیقات کرانے اور قصور واروں کو گرفتار کرنے کی یقین دہانی کرنے کے بعد مشتعل افراد کو سمجھانے میں کامیاب ہوئی۔
جب پولیس کی تفتیش اور بیلوں کی پوسٹ مارٹم رپورٹ سامنے آئی تو سازش کاروں کی سازشیں دم توڑ گئیں۔ واقعے کی تفتیش کے دوران پولیس کو دو اہم ثبوت ملے جن سے یہ بات واضح ہوا کہ دونوں بیلوں کی موت بجلی کے کرنٹ لگنے کی وجہ سے ہوئی ہے۔
اس جگہ سے حاصل کی گئی ایک سی سی ٹی وی فوٹیج میں یہ واضح طور پر نظر آتا ہے کہ ایک بیل ٹرانسفارمر کے لوہے کے جال کے پاس پڑا ہے اور دوسرا وہاں پہنچتا ہے اور وہاں پہنچ کر فوراً گر پڑتا ہے اور کچھ دیر بعد مر جاتا ہے۔
یہ بھی پڑھیں: ہماچل پردیش: لینڈ سلائیڈنگ سے 9 سیاحوں کی موت
دوسرا ثبوت دونوں بیلوں کی پوسٹ مارٹم رپورٹ میں بجلی کے کرنٹ کی وجہ سے موت ہوئی ہے۔ ان دونوں ثبوت سے یہ واضح ہے کہ دونوں بیل بجلی کے کرنٹ کی وجہ سے مرے ہیں۔
پولیس کا کہنا ہے کہ 'یہ گمراہ کن معلومات سوشل میڈیا پر کچھ لوگوں کے ذریعہ پھیلائی گئیں کہ دونوں بیلوں کو ذبح کیا گیا ہے۔ ایسا کرنا غیر منصفانہ ہے اور امن و امان کو خراب کرنے کی کوشش ہے۔ جس کے لئے قانونی کارروائی کی جائے گی۔
