اترپردیش کے ضلع مظفرنگر میں پولیس اور شرپسندوں کے مابین ہوئے تصادم میں ایک بدمعاش شدید طور پر زخمی ہوگیا، جبکہ ایک گولی داروگا پرم جیت سنگھ تومر کو بھی لگی ہے جنہیں علاج کے لیے ضلع اسپتال میں داخل کرایا گیا ہے۔
پولیس کے مطابق مظفرنگر کے بڑھانا موڑ پر پولیس کو جنگلوں میں کچھ بدمعاشوں کے ہونے کی اطلاع موصول ہوئی تھی۔
اس کے بعد پولیس نے جنگلوں کا محاصرہ کرلیا۔ چاروں جانب سے گھرا دیکھ کر بدمعاشوں نے پولیس پر فائرنگ شروع کردی، جس میں داروگا پرم جیت سنگھ تومر گولی لگنے سے زخمی ہوگئے۔
وہیں پولیس کی جوابی کاروائی میں ایک بدمعاش بھی شدید طور پر زخمی ہوگیا، جبکہ اس کے دیگر ساتھی بھاگنے میں کامیاب ہوگئے۔
ویڈیو
مزید پڑھیں:
زخمی بدمعاش کے پاس سے پولیس نے غیر قانونی اسلحہ اور دو چوری کے بائیک برآمد کیے ہیں، بدمعاش کے دیگر ساتھیوں کی پولیس تلاش کر رہی ہے۔
