وہیں یہاں ضلع کے مختلف علاقوں اور دوسرے شہروں سے آئے کاریگروں کو بھی کافی فائدہ ہوا ہے۔ جس سے وہ کافی خوش ہیں۔
بارہ بنکی کے جی آئی سی آڈیٹوریم میں لگی او ڈی او پی نمائش کا آج آخری دن ہے۔ بدھ سے یہاں ضلع کے علاوہ مختلف شہروں سے ہینڈی کرافٹ کے کاریگر اپنے ہاتھوں سے بنے ہوئے سازوسامان سے لوگوں کی توجہ اپنی طرف مبذول کرانے میں کامیاب رہے ہیں۔
شہر میں ہونے کے باوجود نمائش میں زیادہ لوگ نہیں پہنچ رہے ہیں، لیکن جو لوگ آ رہے ہیں وہ یہاں کے ہینڈی کرافٹ سامان کے قائل ہوتے جا رہے ہیں اور وہ چاہتے ہیں اس قسم کی نمائش مسلسل لگائی جاتی رہے۔
تاہم نمائش میں کوئی بھیڑ بھاڑ نہیں ہے، لیکن کاریگر اس نمائش سے پوری طرح مطمئن ہیں اور ان کے لیے یہ نمائش سودمند ثابت ہو رہی ہے۔
اس نمائش میں کل 100 اسٹالز لگائے گئے ہیں۔ جن میں سے 50 او ڈی او پی پروڈکٹس سے متعلق ہیں اور دیگر 50 مختلف ہینڈی کرافٹ کا کام کرنے والے تاجروں کی ہیں۔
