بورڈ کے رجسٹرار ایس این پانڈے کے فرمان کے بعد اس پر کئی لوگوں نے اعتراضات کیا، کیونکہ اس سے مدرسہ اور مسلم سماج کے لوگوں کے خلاف غلط پیغام دوسرے لوگوں کو جاتا ہے۔
خواجہ معین الدین چشتی اردو عربی فارسی یونیورسٹی کے وائس چانسلر پروفیسر ماہ رخ مرزا نے کہا کہ اگر پرچم کشائی کا فرمان جاری ہوا ہے، تو اس میں کوئی غلط بات نہیں ہے، لیکن اس کے علاوہ کوئی اور بات کا مطالبہ کیا گیا ہے تو وہ غلط ہے۔
عربی فارسی مدارس ایسوسی ایشن کے صدر اقبال حسین نے ای ٹی وی بھارت سے بات چیت کے دوران کہا کہ یہ مدارس کو بدنام کرنے کی سازش کروائی جا رہی ہے۔
انہوں نے مزید کہا کہ 'جنگ آزادی میں لاکھوں کی تعداد میں مسلمانوں نے اپنی جان کی قربانی پیش کی۔ اس کے علاوہ آزادی کے بعد سے ہی سبھی مدارس میں بھارتی پرچم شان و شوکت سے لہرایا جاتا رہا ہے۔ اس کے ساتھ مختلف کلچرر پروگرام بھی منعقد کئے جاتے ہیں'۔
