آٹھ ربیع الاول کو یہ سلسلہ ختم ہوتا ہے کیونکہ آٹھ ربیع الاول گیارہویں امام حسن عسکری علیہ السلام کی شہادت کی تاریخ ہے۔
ان سوا دو مہینوں میں جتنی شہادتیں واقع ہوئی ہیں ان میں یہ آخری شہادت ہے اسی لئے آٹھ ربیع الاول ایّام عزاء کی آخری تاریخ قرار دی گئی ہے۔
اسی سلسلے کے تعلق سے ریاست اتر پردیش کے مرادآباد آزاد نگر امام بارگاہ میں خمسہ مجالس کا انعقاد کیا گیا۔
ان مجالس کو مولانا سید رضا حیدر نے خطاب کیا اور مرثیہ خوانی کے فرائض عباس حیدر زیدی اور ان کے ہمنواؤں نے انجام دیے۔
مولانا نے مجلس کو خطاب کرتے ہوئے بیٹی کی اہمیت پر روشنی ڈالتے ہوئے کہا کہ نسل بیٹوں سے ہی نہیں بلکہ بیٹی سے بھی چلا کرتی ہے۔
انہوں نے جناب رسول خداﷺکی بیٹی کی مثال دیتے ہوئے کہا کہ رسول خدا کی نسل اللہ نے ان کی بیٹی فاطمہ زہراؓ سے چلائی۔ اس کے ثبوت میں انہوں نے قرآن کا سورہ کوثر پیش کیا جس کی پہلی آیت کا ترجمہ یہ ہے کہ ہم نے آپ کو کثرت اولاد عطا کی۔
