اترپردیش کے مرادآباد ریلوے ڈویژن کے اعلی افسران نے کورونا وبا کی وجہ سے گذشتہ 18 ماہ سے ایم ایس ٹی اور سیزن ٹکٹ کیو ایس ٹی کے جاری کرنے پر روک لگا رکھی تھی تاہم اب کورونا کے کیسز میں کمی درج ہونے کے بعد ریلوے کی جانب سے ٹرین سرویس کا آغاز کیا گیا ہے۔ اس کے ساتھ ہی مرادآباد ریلوے ڈویژن نے مسافروں کی سہولت کےلیے ایک ماہی سیزن ٹکٹ اور سہ ماہی سیزن ٹکٹ سہولت کا آغاز کیا ہے۔
مرادآباد: ریلوے افسران کی جانب سے ایم ایس ٹی اور کیو ایس ٹی شروع
یہ بھی پڑھیں: ای ڈبلیو ایس ریزرویشن معاملے میں ریاستی حکومت سے جواب طلب
مرادآباد ریلوے ڈویژن کے حدود میں اترپردیش اور اتراکھنڈ کے تقریبا 205 ریلوے اسٹیشن آتے ہیں۔ اب ریلوے نے مسافرین کی سہولت کےلیے ایم ایس ٹی اور کیو ایس ٹی پاس شروع کرنے کا اعلان کیا ہے۔ اس کے علاوہ اب ریل کے ذریعہ روزآنہ سفر کرنے والے مسافرین میل اور ایکسپریس ٹرینوں میں بھی ریزرویشن کراسکتے ہیں۔
