مودی سماج وادی کے اثر والے حلقے اعظم گڑھ اور سنگم نگری پریاگ راج کے علاوہ جونپور میں انتخابی ریلیوں سے خطاب کریں گے جبکہ بی جے پی صدر امت شاہ شراوستی، ڈومریا گنج، سلطان پور اور سنت کبیر نگر میں وجے سنکلپ ریلیوں سے خطاب کریں گے۔
وزیراعظم نریندر مودی دوپہر ایک بجے اعظم گڑھ میں مندری، فیض آباد ۔ اعظم گڑھ ہائی وے پر وجے سنکلپ ریلی سے خطاب کریں گے۔ اس کے بعد وہ دو بجے کدوپور، جونپور اور شام میں پانچ بجے پریاگ راج کے پریڈ گراؤنڈ میں وجے سنکلپ ریلیوں سے خطاب کریں گے۔
امت شاہ صبح 10 بجے چھوٹا پریڈ گراؤنڈ، بلرامپور میں شراوستی لوک سبھا کی وجے سنکلپ ریلی سے خطاب کریں گے جبکہ 11:30 بجے سدھارتھ نگر میں ڈومریا گنج پارلیمانی سیٹ کے لیے ضلع جیل کے سامنے میدان میں وجے سنکلپ ریلی سے خطاب کریں گے۔
بی جے پی کے صدر دوپہر ایک بجے خلیل آباد میں سنت کبیر نگر پارلیمانی حلقے کے لیے اور دوپہر تین بجے خورشید کلب ۔ سول لائن سلطان پور میں وجے سنکلپ ریلیوں سے خطاب کریں گے۔
