اترپردیش کے متھرا ضلع کے ایک گاؤں میں 10 برس کی لڑکی کے ساتھ مبینہ طور پر ایک نابالغ لڑکے نے اسے جنسی زیادتی کا نشانہ بنایا۔
اطلاعات کے مطابق مذکورہ لڑکی ہفتے کے روز اپنے گھر کے قریبی دکان سے کچھ گروسری خریدنے کے لئے نکلی تھی کہ اسی دوران مذکورہ لڑکے نے اسے سنسان جگہ پر جنسی زیادتی کا شکار بنایا۔
متاثرہ لڑکی کے والد کی جانب سے عصمت دری کے معاملے اور بچوں سے تحفظ برائے جنسی جرائم ایکٹ کے تحت ایف آئی آر درج کر دی۔
اس سلسلے میں پولیس نے بتایا کہ ملزم کو گرفتار کرلیا گیا ہے اور اسے نابالغ تحویل میں بھیج دیا گیا ہے۔
انہوں نے مزید بتایا کہ بچی کا طبی معائنہ کرایا گیا اور وہ اپنے والدین کے پاس گھر واپس آگئی۔
