بھائی کے ہاتھوں بہن فروخت

غریبی اور مفلسی انتہائی سخت ترین آزمائش ہوتی ہے انسان مفلسی میں کچھ بھی کرنے پر مجبور ہوجاتا ہے اسی طرح کا ایک واقعے میں ریاست اترپردیش کے بندیل کھنڈ کے مہوبا میں غریبی اور مفلسی سے پریشان ایک خاندان بیٹی کو بیچنے پر مجبور ہوگیا اور اس خاندان نے اپنی ہی بیٹی کا 50 ہزار میں سودا طے کیا۔

بندیلکھنڈ کی غریبی کی داستاں کسی سے پوشیدہ نہیں ہے۔ یہ کیس مہوبا شہر کوتوالی حلقہ کےکرہرا گاؤں کا ہے جہاں کے رہنے والےبابولال کی بیٹی روشنی کا اس کے سگے بھائی کلو، بھابھی ،بہن میرا، اور بہنوئی حاکم نے سرحدی علاقے حمیرپور میں سودا کردیا۔

الزام ہے کہ اہلخانہ نے متاثرہ کو نشہ آور اشیأ کھلا کر اسے کمرے میں 5 دنوں تک بند رکھا۔جب متاثرہ نے پولیس میں شکایت کرنے کی دھمکی دی تواس کے ساتھ مارپیٹ کی گئی اور پھر جبراً کورٹ لے جاکر اس کی شادی کرادی۔

متاثرہ کسی طرح وہاں سے اپنی جان بچاکر مہوبا کوتوالی میں پہنچ کر شکایت درج کرائی۔ اس کیس میں متاثرہ کی بڑی بہن کا کہنا ہے کہ' اس کاندان نے ایک سال قبل بھی اپنی ہی بھانجی کا 70000 روپئے میں سودا کیا تھا اور اب یہ لوگ گھر کی دیگر دو لڑکیوں کو فرخت کرنے کے فراق میں ہیں۔

متاثرہ خاتون نے پولیس افسران سے شکایت کر ملزمین کے خلاف سخت سے سخت کارروائی کرنے کی مانگ کی ہے، فی الحال متاثرہ کی خرید و فروخت کے معاملے میں پولیس تحقیقات کررہی ہے۔

مہوبا کوتوالی کے افسر وپن تریویدی کا کہنا ہے کہ متاثرہ نے اپنی ہی بڑی بہن بھائی اور بہنوئی پر اسے فروخت کر زبردستی شادی کرانے کا الزام لگایا ہے۔ پولیس پورے واقعہ کی تحقیقات کر رہی ہے۔