میرٹھ۔: پیٹرول ڈیزل اور گیس کی قیمتوں میں ہورہے اضافہ سے عوام پریشان

پٹرول ڈیزل اور گیس کی قیمتوں میں مسلسل ہو رہے اضافے سے عام آدمی کو اب گھر کے اخراجات کی تکمیل میں مشکلات کا سامنا کرنا پڑ رہا ہے۔ بڑھتی مہنگائی کو دیکھتے ہوئے اب سیاسی جماعتوں کے احتجاج کےعلاوہ سماجی تنظیم سے جڑے افراد بھی حکومت سے مہنگائی پر قابو پانے کی اپیل کرہے ہیں ۔

تیل کی قیمتوں ہو رہے غیر معمولی اضافہ سے عوام کو مہنگائی کی مار کا سامنا کرنا پڑ رہا ہے ۔

ایک طرف جہاں سیاسی جماعتیں حکومت کی پالیسی کے خلاف احتجاجی مظاہرے کر رہی ہیں وہیں دوسری جانب عام آدمی کو گھر کا بجٹ بنانے میں مشکلات کا سامنا کرنا پڑرہا ہے ۔

انہی تمام تر حالات دیکھتے ہوئے اب سیاسی اور سماجی تنظیموں کے کارکنان حکومت سے جلد مہنگائی پر لگام لگانے کی اپیل کررہے ہیں ۔ تاکہ پہلے سے عالمی وبا کورونا وائرس سے پریشان عوام کو اس مہنگائی سے راحت ملے۔

کورونا وبا کی دوسری لہر میں اپنوں کھو چکے لوگوں کو راحت پہنچانے کے لیے حکومت کو بھی مہنگائی پر لگام لگانے کی ضرورت ہے تاکہ بےروزگاری کے ماحول میں عوام کو کچھ راحت مل سکے ۔