میرٹھ میں روزہ داروں کے لیے میووےجات اور مکھن سے بریڈ تیار کیا جاتا ہے اور خشک میوؤں سے شیرمال بھی بنایا جاتا ہے جسے روزہ دار سحری میں پوری رغبت کے ساتھ استعمال کرتے ہیں۔
میرٹھ شہر کے تاریخی شاہ پیر گیٹ پر حاجی نورمحمد نے آج سے تقریباً 30 قبل رمضان المبارک میں شیرمال بناناشروع کیا تھا۔ ان کا کہنا ہے کہ ابتدائی دور میں شیرمال فقط ماہ رمضان میں بناتا تھا، لیکن عوام کواس کا ذائقے اتنا مرغوب ہوا کہ میرٹھ کے عوام نے مطالبہ کیا کہ سال کے بارہ مہینے میں شیرمال بنانے کا اہتمام کریں۔جس کے بعد دن بدن شیرمال کے مقبولیت میں اضافہ ہونے لگا۔
روزہ داروں کے لیے خاص قسم کا شیرمال اور بریڈ، متعلقہ ویڈیو عوام کا کہنا ہے کہ بھارت سمیت دیگر ممالک میں بھی شیرمال میرٹھ سے منگایا جاتا ہے۔ حجاج کرام بھی اسے زاد راہ کے طور پر ساتھ لے جاتے ہیں۔شیرمال کھانے والوں کا کہنا ہے کہ دودھ میں ڈال کر اس کھانے ذائقہ کچھ اور ہی ہوجاتا ہے۔دوسری جانب حاجی یامین بیکری والے کا بریڈ بھی روزہ داروں کے دلچسپی کا اہم مرکز بنا ہوا ہے۔روزہ داروں کا کہنا ہے کہ یہ بریڈ خصوصی طور پر رمضان المبارک میں تیار کیا جاتا ہے روزہ دار سحری میں اس بریڈ کو استعمال کرتے ہیں،حاجی یامین کا کہنا ہے کہ وہ 20 برس سے فقط رمضان المبارک میں یہ بریڈ بناتے ہیں۔ جو تقریباً ایک برس تک خراب نہیں ہوسکتا ہے۔انہوں نے بتایا کہ میرٹھ کی عوام رمضان المبارک کا اس لیے بھی انتظار کرتی ہے کیونکہ اسے لذیذ اور صحت مند غذائیت سے بھر پور بریڈ عام دنوں میں میسر نہیں ہوتا ہے۔
