اترپردیش کی دارالحکومت لکھنو سے گزرنے والے مہاجر مزدوروں کو 'احسان فاونڈیشن اور مسجد کاؤنسل' کے زیر اشتراک کھانا پانی مہیا کرایا جا رہا ہے۔
انہوں نے مزید کہا کہ وہ لوگ مسافروں کو کھانا، پانی، بسکٹ، کیلا اور خواتین کو سینیٹری پیڈ بھی دیتے ہیں تاکہ سفر کے دوران انہیں کسی طرح کی مشکلات کا سامنا نہ کرنا پڑے۔
واضح رہے کہ مزدورجب پیدل ہی سفر کر رہے تھے، اسی وقت سے ڈاکٹر محمد عامر جمال کی ٹیم چپل اور جوتے بھی مہیا کروا رہی تھی۔ اس کے علاوہ جو مزدور زخمی ہوجاتے ہیں، انکا علاج بھی کرتے ہیں۔
ای ٹی وی بھارت سے بات چیت کے دوران کئی مزدوروں نے بتایا کہ وہ لوگ اترا کھنڈ سے بہار جا رہے ہیں۔ وہاں سنگ تراشی کا کام کرتے تھے ۔مگر لاک ڈاؤن کے نفاد کی وجہ سے مجبور ہو کر گھر جا رہے ہیں۔ انہوں نے کہا کہ اب تبھی کام پر واپس جائیں گے، جب سب کچھ پہلے کی طرح ٹھیک ہو جائے گا۔
'احسان فاونڈیشن اور مسجد کاؤنسل' کے زیر اہتمام غریبوں کو کھانا بھی ہر روز شام کو دیا جاتا ہے۔ خانسامہ نند کمار نے بات چیت دوران بتایا کہ وہ ہفتے کا پورا مینیو بناتے ہیں، اسی کے تحت الگ-الگ طرح کا کھانا بنا کر غریبوں کو تقسیم کرتے ہیں تاکہ کوئی بھوکا نہ رہے۔
