بھارت کے وزیراعظم نریندر مودی 14 دسمبر کو کانپور جائیں گے۔ وہاں وہ گنگا کی آلودگی کا معائنہ کریں گے۔ گنگا کنارے نئے تعمیر ہوئے اٹل گھاٹ کا افتتاح کریں گے۔
بتا دیں کہ 'نمامی گنگا پروجیکٹ' کے تحت کانپور میں گنگا کو صاف کرنے کی مہم چل رہی ہے۔
شہر کانپور کے تقریبا 18 نالے جو گنگا ندی میں گرتے ہیں جس سے گنگا ندی آلودہ ہو رہا ہے۔ ان نالوں کو بند کرنے کے لیے کئی بار مہم چلی لیکن اس بار ان کو باقاعدہ بند کرکے ٹریٹمنٹ پلانٹ کی طرف منتقل کر دیا گیا ہے۔ گنگا کی آلودگی کو جانچنے پرکھنے کے لیے وزیراعظم نریندر مودی ایک بوٹ پر بیٹھ کے کچھ دور تک گنگا کا معائنہ کریں گے اس کے بعد گنگا بیراج پر نیا تعمیر کردہ اٹل گھاٹ کا نریندر مودی افتتاح کریں گے۔
بتا دیں کہ گنگا میں گرنے والے کچھ نالے مکمل طور پر ابھی ٹریٹمنٹ پلانٹ کی طرف منتقل نہیں ہو سکے ہیں لیکن ان کو پھر بھی بند کر دیا گیا ہے تاکہ نریندر مودی کے سامنے کسی بھی طریقے کی آلودگی نہ دکھائی دے۔ یہ بند نالے اوور فلو ہو کر یا تو شہر کی سڑکوں پر آجائیں گے یا پھر سے گنگا ندی میں بہنے لگیں گے۔
