ملہنی اسمبلی حلقے سے جئے پرکاش دوبے ہوں گے بی ایس پی کے امیدوار

بہوجن سماج پارٹی(بی ایس پی) نے اعلان کیا ہے کہ ریاست میں سات اسمبلی سیٹوں پر ہونے والے ضمنی انتخابات میں ملہنی سیٹ سے جئے پرکاش دوبے بی ایس پی کے امیدوار ہوں گے۔

بی ایس پی کے ریاستی صدر منقاد علی نے جمعرات کو بتایا کہ ملہنی اسمبلی حلقے سے ضمنی انتخاب کے لئے جئے پرکاش دوبے پارٹی کے امیدوار ہوں گے۔

شمبھو گنج بازار میں منعقد کارکنوں کی میٹنگ میں جئے پرکاش دوبے کے نام کا اعلان کیا گیا۔ جئے پرکاش دوبے سرائیکا مچھلی شہر کے رہنے والے ہیں، جو ایک کالج کے منیجر ہیں۔

ملحوظ رہے کہ ملہنی اسمبلی سیٹ پر سماج وادی پارٹی(ایس پی) کے رکن اسمبلی پارس ناتھ یادو کے انتقال کے بعد یہ سیٹ خالی ہوئی تھی اور اب ضمنی الیکشن کے اعلان کے بعد پارٹیوں نے اپنے امیدواروں کے اعلان کی کاروائی شروع کردی ہے۔

اس سے قبل وزیر اعلی یوگی آدتیہ ناتھ بھی ریلی کرنے کے ساتھ امیدوار کے انتخاب کے لئے کارکنوں و پارٹی امیدواروں سے تبادلہ خیال کرچکے ہیں۔