دارالحکومت دہلی کے جہانگیر پوری علاقہ میں آج این ڈی ایم سی نے بلڈوزر کے ذریعے کارروائی کرتے ہوئے سی بلاک کی جامع مسجد کے اس حصہ کو منہدم کر دیا جس پر گزشتہ روز تشدد کے دوران بھگوا جھنڈا لگانے کی کوشش کی گئی تھی، این ڈی ایم سی نے یہ تمام کارروائی تب کی جب سپریم کورٹ نے منہدم کے کارروائی پر اسٹے کا آرڈر جاری کر چکا تھا۔ NDMC Operation of in Jahangirpuri
اس سلسلے میں جہانگیر پوری علاقہ میں رہنے والے لوگوں کا کہنا ہے کہ یہ مسلمانوں پر ظلم کیا جارہا ہے کیونکہ ایک طرف مسجد کے حصہ کو تو منہدم کر دیا گیا جب کہ مسجد سے تھوڑی ہی دوری پر واقع مندر جو سڑک پر بنا ہوا ہے اسے چھوڑ دیا گیا۔
مزید پڑھین:
قابل ذکر ہے کہ جہانگیر پوری علاقہ میں این ڈی ایم سی غیر قانونی انکروچمینٹ کے خلاف کارروائی کر رہی تھی حالانکہ اس معاملے میں این ڈی ایم سی نے مقامی افراد کو کوئی نوٹس نہیں دیا تھا اور وقت سے پہلے جائے وقوع پر پہنچ کر کارروائی شروع کردی۔
