نوئیڈا: اترپردیش کے نوئیڈا میں میرٹھ اینٹی کرپشن نے ایک بڑی کاروائی کی ہے۔ اس نے گوتم بدھ نگر پولس میں تعینات ایک سب انسپکٹر کو 4 لاکھ روپے رشوت لیتے ہوئے رنگے ہاتھوں پکڑا ہے۔ گرفتار انسپیکٹر گلاب سنگھ گریٹر نوئیڈا کے ایکوٹیک ون پولیس اسٹیشن میں تعینات تھا۔ انسپکٹر نیوی کے ریٹائرڈ کمانڈر سے رشوت لے رہا تھا۔ ملزم سب انسپکٹر کے خلاف سورج پور تھانے میں مقدمہ درج کر کے اسے برخاست کر دیا گیا ہے۔ ذرائع کے مطابق گریٹر نوئیڈا میں رہنے والے انڈین نیوی کے ریٹائرڈ کمانڈر راجیو سردانہ نے پولیس اسٹیشن ایکوٹیک ایک میں تعینات سب انسپکٹر گلاب سنگھ سے کسی مسلے پر ملاقات کی تو سب انسپکٹر گلاب سنگھ نے ان سے 15 لاکھ روپے رشوت طلب کی۔
راجیو سردانہ، ریٹائرڈ نیوی کمانڈر نے میرٹھ اینٹی کرپشن یونٹ کو اطلاع دی، جس کے بعد اینٹی کرپشن یونٹ نے جال بچھا دیا۔ریٹائرڈ نیوی کمانڈر راجیو سردانہ نے سب انسپکٹر گلاب سنگھ سے 4 لاکھ روپے لے کر انسپیکٹر سے ملے،، جیسے ہی گلاب سنگھ نے راجیو سردانہ سے رقم لی، اینٹی کرپشن یونٹ نے سب انسپکٹر گلاب کو پکڑ لیا۔
اب اینٹی کرپشن یونٹ ٹیم اس معاملے میں تھانے میں تعینات دیگر پولیس اہلکاروں کے کردار کی جانچ کر رہی ہے۔انسپیکٹر نے ریٹائرڈ انڈین نیوی کمانڈر راجیو سردانہ سے 15 لاکھ روپے کی رشوت طلب کی تھی۔ یونٹ نے کیمیکل لگا کر نیوی کے ریٹائرڈ کمانڈر کو 4 لاکھ روپے دیے تھے۔ اس 4 لاکھ روپے کے ساتھ ٹیم نے سب انسپکٹر گلاب سنگھ کو گرفتار کیا۔
یہ بھی پڑھیں:Gorakhnath Temple Attack ملزم احمد مرتضیٰ عباسی کو آج سزا سنائی جائے گی
ڈی سی پی، گریٹر نوئیڈا سعد میاں خان نے بتایا کہ ایک معاملے میں پولیس اسٹیشن ایکوٹیک ایک میں تعینات سب انسپکٹر گلاب سنگھ کو اینٹی کرپشن یونٹ نے 4 لاکھ روپے رشوت لیتے ہوئے گرفتار کیا تھا، ملزم ایس آئی کے خلاف مقدمہ درج کیا گیا تھا۔ تھانہ سورج پور میں مقدمہ درج کر کے گرفتار کر لیا گیا اور اس کے خلاف کارروائی کی جا رہی ہے۔
