مظفر نگر: اِنر ویل کلب سن رائز نے ڈاکٹروں کو اعزاز سے نوازا

ریاست اترپردیش کے ضلع مظفر نگر میں آج شام اِنر ویل کلب سن رائز تنظیم نے کورونا واریئرس کے لیے منعقدہ ایک اعزازی پروگرام میں ضلع کے سینئر ڈاکٹرز کو شیلڈ اور سرٹیفکیٹ دے کر اعزاز سے نوازا۔

کورونا کے دوران جہاں مریضوں کو پریشانیوں کا سامنا کرنا پڑ رہا تھا تو وہیں راجونشی کلینیک کے ذریعے تمام مریضوں کو مناسب قیمت پر طبی سہولیات فراہم کی گئیں۔ انہیں باتوں کا خیال رکھتے ہوئے تنظیم کی جانب سے کلینک کے تمام ڈاکٹرز کو کورونا واریئرس کے اعزاز سے نوازا گیا۔

کورونا واریئرس کے اعزاز سے نوازے گئے محمد زبیر نے کہا کہ ہم نے کورونا وبا کے دوران کافی محنت کی ہے۔ کورونا وائرس کے دوران ہم نے دن و رات محنت کرکے مریضوں کی خدمت کی اور اسی خدمات کے عوض اج ہم کو کورونا واریئرس کے اعزاز سے نوازا گیا۔