ریاست اترپردیش کے دارالحکومت لکھنؤ میں وزیراعلیٰ یوگی آدتیہ ناتھ نے اپنی حکومتی رہائش سے بارہ بنکی سمیت ریاست کے تمام اضلاع کے لیے سڑک تحفظ ماہ کا باقاعدہ افتتاح کیا۔
واضح رہے کہ وزیراعلیٰ کے لکھنؤ میں تشہیری وین کو ہری جھنڈی دکھاکر روانہ کرنے کے بعد بارہ بنکی میں بھی اس وین کو ضلع مجسٹریٹ نے ہری جھنڈی دکھا کر روانہ کیا۔
خیال رہے کہ دوشنبہ کو بارہ بنکی میں میں ضلع سطحی ایک ماہ کا سڑک تحفظ پروگرام کا افتتاح کیا گیا تھا اور آج وزیراعلیٰ نے ریاستی سطح پر اس منصوبہ کا آغاز کردیا ہے۔
اس موقع پر ضلع مجسٹریٹ ڈاکٹر آدرش سنگھ نے کہا کہ ٹریفک قوانین پر عمل کرنا ہمارے لیے اشد ضروری ہے۔
انہوں نے کہا متعدد بار ایسا ہوتا ہے کہ حادثہ ہونے کے بعد اس بات کا علم ہوتا ہے کہ اگر تمام حفاظتی احتیاط برتتے تو ایسا نہیں ہوتا۔
انہوں نے کہا کہ یہ تشہیری وین لوگوں کو اس موضوع پر بیداری پھیلانے کا کام کرے گی۔
انہوں نے کہا کہ بارہ بنکی جیسے ضلع میں اس مہم کی اہمیت میں اضافہ اس لیے بھی ہو جاتا ہے کیونکہ یہ ضلع چاروں جانب سے قومی شاہراہ سے گھرا ہوا ہے۔
انہوں نے کہا کہ ہم ایک ماہ تک مسلسل لوگوں کو بیدار کریں گے اور اگر پھر بھی لوگوں نے ٹریفک قانون پر عمل نہیں کیا، تو ہم کاروائی بھی کریں گی۔
یہ بھی پڑھیں: بارہ بنکی : کورونا سے جنگ جیت کرکام پر واپس آئے ڈی ایم
