محرم الحرام میں عزاداری کے تعلق سے بات چیت کرتے ہوئے اسلامی اسکالر مسعود کوثر نقوی نے کہا کہ' آپ حضور صلی اللہ علیہ وسلم کے نواسے اور حضرت فاطمہ کے صاحبزادے امام حسین نے اپنے 72 ساتھیوں کے ساتھ کربلا میں اسلام اور انسانیت کو بچانے کے لیے جام شہادت نوش کی۔ اسی لیے محرم میں حضرت امام حسین کی قربانی کو یاد کرتے ہوئے پوری دنیا میں عزاداری کا اہتمام کیا جاتا ہے'۔
وہی شیعہ حضرات ہر برس محرم کے مہینے میں مجالس، ماتمی جلوس، سوگواری، خیرات کے ذریعہ 61 ہجری کو کربلا میں پیش آنے والے واقعے کو یاد کر کے عزاداری مناتے ہیں جس میں امام حسین اور آپ کے اصحاب کو یزیدی فوج نے شہید کردیا تھا۔مسعود کوثر نقوی نے مزید بتایا ہم ان مجالس میں جو آج محرم کی دوسری تاریخ کو اے ایم یو کے بیت الصلوۃ میں ہو رہی ہے اس میں ہم حضرت امام حسین کی قربانی کو یاد کرتے ہیں اور ان کی تعلیمات کو عام کرنے کی کوشش کی جاتی ہے کہ کون حق پر ہے اور کون باطل پہ ہے اور کون صحیح ہے اور کون غلط ہے'۔
علی گڑھ مسلم یونیورسٹی کے بیت الصلوۃ میں کورونا وبا کی ہدایت کے مطابق مجلس کا اہتمام امام حسین کی تعلیمات میں سے ہے کہ علم حاصل کیا جائے، انسانیت کو برقرار رکھاجائے، کسی کے ساتھ نا انصافی نہ کی جائے اور ظلم کے خلاف ہمیشہ کھڑے رہو۔ امام حسین کربلا میں صرف اسلام کو بچانے نہیں گئے تھے بلکہ انسانیت کو بھی بچانے گئے تھے۔'انسانیت کا سب سے بڑا درس یہی ہےکہ حضرت امام حسین نے فرمایا کہ خود اپنا پیٹ بھرنے کے علاوہ اس کا خیال رکھا جائے کہ کیا تمہارا پڑوسی بھوکا تو نہیں ہے، کیا وہ محتاج تو نہیں ہے اگر تم حیثیت رکھتے ہو تو اپنے پڑوسی کی مدد کرو ،امداد کرو چاہے وہ کسی بھی مذہب کا ہو۔'
علی گڑھ مسلم یونیورسٹی کے بیت الصلوۃ میں کورونا وبا کی ہدایت کے مطابق مجلس کا اہتمام حضرت امام حسین نے اسی انسانیت کو بچانے کے لیے کربلا میں قربانی دی جو آج ہم منا رہے ہیں اور انشاء اللہ اسی پروگرام کو ہم لوگ برقرار رکھیں گے اگلے دو ماہ آٹھ دن تک۔'
علی گڑھ کربلا کے متولی مختار زیدی نے بتایا کورونا وبا کی روک تھام کے لیے جو بھی حکومت کی ہدایات ہیں ان کو مد نظر رکھتے ہوئے ہم لوگ یہاں پر مجلس کر رہے ہیں جس میں ہم لوگ سینیٹائزر، ماسک اور سماجی دوری کا خاص خیال رکھ رہے ہیں۔ پچاس سے زیادہ لوگ موجود بھی نہیں ہیں۔
