حیدرآباد: سری لنکا کے ابھرتے ہوئے نوجوان کھلاڑی اور اسپنر پروین جے وکرما پر آئی سی سی اینٹی کرپشن کوڈ کی خلاف ورزی کرنے پر ایک سال کی پابندی عائد کر دی گئی ہے۔ ان کے خلاف یہ کارروائی پروین کے الزامات قبول کرنے کے بعد کی گئی ہے۔ جے وکرما کے خلاف الزامات کا تعلق بین الاقوامی کرکٹ کے ساتھ ساتھ لنکا پریمیئر لیگ سے بھی ہے۔
اس مدت کے دوران جے وکرما 6 ماہ کے لیے معطل رہیں گے یعنی وہ کسی طرح کے بھی کرکٹ میں حصہ نہیں لے سکیں گے۔ انھیں آئی سی سی کی دفعہ 2.4.7 کی خلاف ورزی کا قصوروار پایا گیا ہے۔ دراصل یہ دفعہ آئی سی سی کی طرف سے کسی بھی تحقیقات میں رکاوٹ ڈالنے یا تاخیر کرنے سے متعلق ہے، جس میں کسی دستاویز یا دیگر معلومات کو چھپانا یا چھیڑ چھاڑ کر کے اس کو تباہ کرنا شامل ہے۔
A Sri Lanka bowler has been banned for a year under the ICC Anti-Corruption Code.https://t.co/QpWA1r3hCN
— ICC (@ICC) October 2, 2024
قابل ذکر ہے کہ پروین جے وکرما نے سری لنکا کے لیے ڈیبیو ٹیسٹ میں 11 وکٹیں لے کر کافی سرخیاں بنائیں تھیں۔ پروین نے 2021 میں آسٹریلیا کے خلاف ہوم سیریز میں ڈیبیو کیا تھا اور اس وقت انھوں نے سال بنگلہ دیش کے خلاف ٹیسٹ کرکٹ میں ڈیبیو کیا تھا اور پالے کیلے میں اپنے ڈیبیو ٹیسٹ میں 11 وکٹیں لے کر سب کو حیران کر دیا تھا لیکن وہ اپنی اس فارم کو مزید برقرار نہیں رکھ سکے جس کی وجہ سے انھیں ٹیم سے باہر ہونا پڑا۔
واضح رہے کہ جے وکرما نے آخری میچ 2022 میں کھیلا تھا۔ اب تک وہ 5 ٹیسٹ، 5 ون ڈے اور اتنے ہی ٹی ٹوئنٹی انٹرنیشنل میچ کھیل چکے ہیں۔ جس میں انھوں نے کل 32 وکٹیں حاصل کی ہیں۔
